Stáhta guovlluin čuovvut dás ovddosguvlui Meahcceetikeahta
pe heinäk. 21 05:15:00 2023
Vuordit ahte meahcásteaddjit ja guolásteaddjit čuvvot dás ovddosguvlui ođđa Meahcceetikeahta Meahciráđđehusa guollečáziin ja meahcástanguovlluin. Meahcceetikeahtta deattuha sállaša, luonddu ja nuppiid meahcis johttiid gudnejahttima. Stáhta guovlluide háhket jahkásaččat sullii 200000 meahcástan- ja guolástanlobi.
Meahcceetikeahtta lea joatkka Vánddardanetikeahtas, man čuovvut vánddardettiin stáhta guovlluin. Meahcceetikeahtta váldá dan lassin vuhtii guolásteami ja meahcásteami sierraiešvuođaid, dego sállaša gudnejahttima ja dolastallama earálágan guovlluin.
”Meahcis johtima bivnnuhisvuohta orru lassáneamen ain. Dan dihtii lea ain dehálut, ahte meahcásteaddjit ja guolásteaddjit gudnejahttet earáid geat leat luonddus astoáiggis ja sállaša.”, dadjá gulahallanoaivámuš Aku Ahlholm Meahciráđđehusas.
Ovdamearkka dihtii meahcceguovlluid nuoskivuohta lea bistevaš váttisvuohta. Guolásteaddjiin báhcet eatnamii siimmat ja meahcásteaddjiin guoros patrovnnat. Meahciráđđehus oažžu dávjá máhcahagaid meahcástanbeatnagiid ávkkástallamis guovlluin, gos leat boazobarggut.
Meahcásteaddjit ja guolásteaddjit galget lunddolaččat čuovvut láhkaásaheami, sálašdihtomeriid ja earáid lohpeeavttuid. Meahcceetikeahtta ávžžuha daid lassin vuhtiiváldit buorre láhttenvugiid, vai meahcis johtin livččii vásttolaš ja suvdilis.
Meahcceetikeahtta lea gárvvistuvvon earenoamážit vuhtiiváldit stáhta guovlluid. Lassin meahcástan- ja guolástanservviin ja Suoma fuođđoguovddážis leat earenoamáš buorre vásttolaš astoáiggi budáldeami rávvagat, maidda juohkehačča gánneha oahpásmuvvat.
Meahcceetikeahtta meahcásteaddjiide, váldobajilčállosat: Vuhtiiváldde earáid luonddus johttiid, Ále ludne, Gudnejahte fuođđu, Vuhtiiváldde earáid go vuojat biillain, Cahkket dola dušše beare lobálaš sajiide, Fuolat beatnagisttát
Meahcceetikeahtta guolásteaddjiide, váldobajilčállosat: Vuhtiiváldde earáid luonddus johttiid, Ále ludne, Gudnejahte sállaša, Jođe fatnasiin jierpmálaččat, Cahkket dola dušše beare lobálaš sajiide
Loga lasi
