Kieldâässee kuálástemloveh Tave-Laapist
Kuálástem staatâ čaasijn lii iänááš mávsuttem Iänuduv, Aanaar já Ucjuuvâ kieldâässeid. Spiekâstuvah láá luosâ já kuávžur kuárŋumkuávluh, moid kieldâässeeh pyehtih skappuđ kolohaddasii pajelove. Tave-Laapi kieldâässei kuálástemvuoigâdvuođâst lii asâttum kuálástemlaavâst (finlex.fi).
Pajelope luosâ já kuávžur kuárŋumkuávloid
Iänuduv, Aanaar já Ucjuuvâ kieldâässeeh pyehtih skappuđ jieijâs päikkikieldâ kuávlun kolohaddasii pajelove, nuuvt kočodum kieldâässee juhâlove. Lope addel vuoigâdvuođâ vuoggâkuálástmân toin staatâ čäcikuávluin, moh láá luosâ tâi kuávžur kuárŋumkuávluh.
Pajelove hadde lii 40 eurod / paje. Hadde lii miäruštâllum eennâm- já meccituáluministeriö máksuasâttâsâst. Vuálá 18-ihásii pajelope lii mávsuttem. Luuvijn iä lah tiätumereh, ađai puoh páihálâš ässeeh finnejeh love jis halijdeh.
Pajelove puáhtá uástiđ Meccihaldâttâs Paje-Laapi palvâlemčuággáin já Mecciluuvij palvâlemnumerist 020 69 2424 (argân 9–15).
TÄÄRHIB VYEBDIMIÄVTUH, LOPEKUÁVLUI KÁÁRTÁH SEHE LOPEIÄVTUH:
Mávsuttes kuálástemlope eres čäcikuávloid
Iänuduv, Aanaar já Ucjuuvâ kieldâässeeh pyehtih skappuđ jieijâs päikkikieldâ kuávlun mávsuttes kuálástemlove. Lope addel vuoigâdvuođâ stággu- já pivduskuálástmân staatâ čäcikuávluin, eereeb luosâ tâi kuávžur kuárŋumkuávluin.
Meccihaldâttâs lii meridâm juátkiđ puoh táálái Paje-Laapi mávsuttes kuálástemluuvij vyeimistorroomääigi 31.12.2025 räi. Lope lii vyeimist toin iävttoin, et ulmuu päikkikieldâ lii pissoom siämmán. Juáháš, kiän päikkikieldâ ij lah muttum, finnee meid uđđâ love poostâ peht kiiđâ 2024 ääigi.
Uđđâ kieldâässeeh pyehtih haahâđ love čuávuváin Meccihaldâttâs palvâlemčuággáin:
Paje-Säämi luándukuávdáš Siida
Inarintie 46, 99870 Aanaar
Puh. 0206 39 7740
Avveel palvâlemsaje
Sairaalatie 3B, 99800 Avveel
Puh. 0206 39 7701
Tuodâr-Laapi luándukuávdáš
Peuratie 15, 99400 Iänudâh
Puh. 0206 39 7950
Erähenkilöstö
Etsitkö jotakuta vastaamaan kysymyksiin tietystä aiheesta tai alueesta? Metsähallituksen Eräpalvelujen yhteystiedoista löydät etsimäsi henkilön!