Gieldda olbmuid guolástanlobit Davvi-Sámis
Eanodaga, Anára ja Ohcejoga gieldda olbmuin guollebivdu stáhta čáziin lea eanaš nuvttá. Spiehkastahkan leat luosa ja dápmoha goargŋunguovllut, maidda gieldda olbmot sáhttet skáhppot áigodatlobi iešgoasttádusa sturrosaš hattiin. Davvi-Sámi gieldda olbmuid guolástanvuoigatvuođain ásahuvvo guolástanlágas (finlex.fi).
Áigodatlohpi luosa ja dápmoha goargŋunguovlluide
Eanodaga, Anára ja Ohcejoga gieldda olbmot sáhttet skáhppot ruovttugielddas guvlui iešgoasttádusa hatti sturrosaš áigodatlobi, nu gohčoduvvon gieldda olbmuid johkalobi. Lohpi addá vuoigatvuođa vuoggabivdui daid stáhta čáhceguovlluin, mat leat dápmoha ja luosa goargŋunguovllut.
Áigodatlobi haddi lea 40 euro / áigodat. Haddi lea meroštallojuvvon eana- ja meahccedoalloministeriija máksinásahusas. Vuollel 18-jahkásaččaide áigodatlohpi lea nuvttá. Lobiid mearis ii leat dihtomearri, nuba lobi ožžot buot báikkálaččat háliidettiin.
Áigodatlobi sáhttá oastit Meahciráđđehusa Davvi-Sámi bálvalanbáikkiin.
DÁRKILUT VUOVDINDIEĐUT, LOHPEGUOVLLUID KÁRTTAT JA LOHPEEAVTTUT:
Nuvttá guolástanlohpi eará čáhceguovlluide
Eanodaga, Anára ja Ohcejoga gieldda olbmot sáhttet skáhppot ruovttugielddas guvlui nuvttá guolástanlobi. Lohpi addá vuoigatvuođa stággo- ja bivddusguollebivdui stáhta čáhceguovlluin earret luosa ja dápmoha goargŋunguovlluin.
Ovddit lohpeáigodat lea nohkan jagi 2022 loahpas, dahjege jagi 2023 galgá lotnut ođđa lobi. Lohpi lea fámus jagi 2023 lohppii. Jagi 2024 lohpeohcamis dieđihat eräluvat.fi -siidduin.
LOBI SÁHTTÁ SKÁHPPOT ČUOVVOVAŠ BÁLVALANBÁIKKIIN:
Davvi-Sámi luondduguovddáš Siida
Inarintie 46, 99870 Inari
Tel. 0206 39 7740
Avvila bálvalanbáiki
Sairaalatie 3B, 99800 Ivalo
Tel. 0206 39 7701
Suoločielggi bálvalanbáiki Kiehinen
Lutontie 16, 99830 Saariselkä
Tel. 0206 39 7200
Duottar-Sámi luondduguovddáš
Peuratie 15, 99400 Enontekiö
Tel. 0206 39 7950
Erähenkilöstö
Etsitkö jotakuta vastaamaan kysymyksiin tietystä aiheesta tai alueesta? Metsähallituksen Eräpalvelujen yhteystiedoista löydät etsimäsi henkilön!