Uđđâ Eräluvat.fi
Tiervâpuáttim uđâsmum Eräluvat.fi-palvâlusân! Mij palvâlep puátteevuođâst ain ovdiist eenâb sämikielân. Jurgâlempargo lii vala pááihui koskân, mut siskáldâsah tievâsmittojeh ovttuu.
Kyelivaljetipšommáksu
Kyelivaljetipšommáávsu kalga mäksiđ, jis tun lah 18–69-ihásâš já kuálástah vuoggáin tâi pivdusijguin tâi pivdáh ráávuid.
Väridem- já láigutuveh
Meccihaldâttâs väridem- já láigutuuvij oovdânpyehtim lii sirdum Luontoon.fi-siijđoin Eräluvat.fi-palvâlusân. Väridemtuuvijn puáhtá väridiđ seŋgâsaje, láigutuuvijd puáhtá väridiđ ollásávt jieijâs kiävtun.
Äigikyevdil
12.12.2025
Paje-Laapi mávsuttes kuálástemluuvij uuccâm álgá 2.1.2026
Iänuduv, Aanaar já Ucjuv kieldâi ässeeh pyehtih haahâđ mávsuttes kuálástemluuvijd äigipajan 2026–2028 tállân ive mulsâšuddâm maŋa uđđâivemáánu 2. peeivi 2026 rääjist. Ovdeláá mieđettum loveh láá ton räi vyeimist. Paje-Laapi kieldâi ässei meccijotolâhluuvijd puáttee iivij várás puáhtá jo uuccâđ.
9.12.2025
Kulluuttâs: Kuálástem tiätumerimiärádâsah
Meccihaldâttâs lii Meccihaldâttâsâst adelum laavâ (234/2016) 18 § vuáđuld 9.12.2025 adelum miärádâsâiguin 2550/2025/08.02.00 já 2549/2025/08.02.00 nanodâm kuávlukuáhtásijd tiätumeerijd Meccihaldâttâs haldâšem staatâ čäcikuávlui kevttimist kyelipiivdon. Miärádâs 2550/2025 kuáská eennâmtieđâlávt sämikuávlu já miärádâs 2549/2025 eres Suomâ.
6.11.2025
Mij lep peividâm tiätusyejičielgiittâs
Eräluvat-palvâlusâi tiätusyejičielgiittâs lii peividum 6.11.2025 saajeest Persovntiäđui kevttim já luovâtmeh.
12.6.2025
Njiävđám registersiijdâ kuálástemloveh tiilájuvvojeh puhelimáin
Njiävđámjuuvâ registersiijdâ ässei kuálástemloveh Njiävđámjuuhân tiilájuvvojeh taan ive puhelimáin Meccihaldâttâsâst. Avveel toimâsaje lii toppâm uvsâidis 2024.