Njuškii siskáldâsân
Eräluvat.fi-tubdâldâh
  • Ohtâvuotâtiäđuh
  • Uusâ siijđoin

Kevttimiävtuh

Taah iävtuh láá peividum majemužžân 19.11.2024.

Palvâlus kuvvim

Taah iävtuh heiviittuvvojeh Meccihaldâttâs pyevtittem já paijeentoollâm Eräluvat.fi-viermipalvâlus kevttimân. Eräluvat.fi-viermipalvâlus (maŋeláá ”Palvâlus”) čoggâšuvá meecist jotemân lohtâseijee tiäđuid siskeldeijee siijđoin, vyebdimnáál/mieđettemnáál pyevtittâsâin sehe moobilheiviittâsâst. Palvâlusâst puáhtá haahâđ Meccihaldâttâs kuálástem-, miäcástem-, meccijotolâh-, luándukuávlu- já luándupyevtittâsluuvijd, mäksiđ staatâ kyelivaljetipšommáávsu já väridiđ tuve. Jieš Palvâlus kevttim lii mávsuttem. Tiätu Palvâlusân kullee oosij kevttim, tego love kyeđđim väärridmân, váátá registeristum.

Kevttimáin palvâlus kevttee täähid, et lii uápásmum taid kevttimiävttoid sehe tiätusyejičielgiittâsân já čoonnâs nuávdittiđ taid. Ton lasseen Palvâlusâst láá sierânâs pyevtittâskuáhtásiih iävtuh, tego lopepyevtittâsâi iävtuh, sehe haahâm- já maasâdkeessimiävtuh, moid Palvâlus kevttee jieijâs táhádâssáin lii uápásmum, já sun miätá čonâsiđ toid, ko tiiláá pyevtittâsâid.

Kevttee čoonnâs kevttiđ Palvâlus laavâ já šiev täävi miäldásávt.

Kevttimvuoigâdvuotâ palvâlusâst almostittum amnâstâhân

Palvâlus uážžu kevttiđ tuše priivaat, ij-kávpálii uulmán. Kevttee ij uážu nube náál ávhástâllâđ Palvâlussáin tâi ton osijguin, jis sust ij lah Meccihaldâttâs kirjálâš lope/sopâmuš. Palvâlus puoh vuoigâdvuođah, tahheevuoigâdvuođah fáárun luhâmáin, kuleh Meccihaldâttâsân já/tâi ton oovtâstpargokuoimijd. Palvâlus puoh osijdiskuin lii syeijejum tahheevuoigâdvuođáin tahheevuoigâdvuotâlaavâi miäldásávt.

Palvâlus kevttimraijiittâs

Vuálá 13-ihásiist tâi mottoom eres vájugâsváldásii kevttest ij lah vuoigâdvuotâ tiiláđ tâi rähtiđ sopâmušâid Palvâlusâst aitârdeijee mietâmušttáá.

Registeristum

Kevttee addel vyeimist leijee šleđgâpostâčujottâs já miäruštâl syelisääni äššigâstili rähtim ohtâvuođâst. Kevttee puáhtá kevttiđ siämmáid tubdâlduvâid meid puátteevuođâst. Kevttee västid puoh kiävtust, mii lii tábáhtum suu šleđgâpostâčujottâssáin já syelisaanijn, já ana jieš huolâ tast, et syelisääni piso tuše suu jieijâs tiäđust. Kevttee puáhtá jieš mutteđ Palvâlusâst leijee äššigâstiäđuidis äššigâstilis peht tâi väldimáin ohtâvuođâ Eräluvat äššigâspalvâlusân: puh. 020 69 2424, eraluvat@metsa.fi.

Persovntiäđui kieđâvuššâm

Kevttei persovntiäđui kieđâvuššâm lii kovvejum tiätusyejičielgiittâsâst: www.eraluvat.fi/smn/tietosuojaseloste.

Niästádâsâi kevttim

Palvâlus niästádâsah láá kovvejum tiätusyejičielgiittâsâst: www. eraluvat.fi/smn/tietosuojaseloste.

Tiätutorvo mäksimjotoluvâst

Palvâlusâst kiävttojeh Suomi.fi-máávsuh. Paŋkkiohtâvuotâ- tâi luáttukorttâtiäđuh iä vyerkkejuu mongin muddoost Meccihaldâttâs serverân, pic mäksim já mäksimtábáhtusân lohtâseijee tiäđui sirdum tábáhtuvá máávsujođetteijee (Paytrail) kevttimlohtuu peht.

Palvâlus pyevtittem já paijeentoollâm

Meccihaldâttâsâst lii vuoigâdvuotâ pyerediđ já puoh vuovijguin mutteđ Palvâlus siskáldâs já ráhtus, ton pyevtittâs- já tiätuvuáđuvaljiittâs, ohjelmijd, piergâsijd, toimâttuvlii siskáldâs, palvâlusaaigijd sehe Palvâlus eres oosijd. Meccihaldâttâs viggá tieđettiđ Palvâlusâst tábáhtuvvee, kevttee tááhust kuávdáš nubástusâin sehe poođhâin kevtteid muuneeld Palvâlus peht tâi mottoom eres vyevi mield, mon tot ana pyerrin. Nubástusah šaddeh vuáimán tállân, ko toh láá olášuttum.

Palvâlusâst pyehtih leđe liiŋkah kuálmád uásipeelij omâstem tâi paijeentoollâm sijđoid. Sirduumáin liŋkkajum sijđoid tun tuhhiittah, et siijđoh iä lah Meccihaldâttâs haaldust. Meccihaldâttâs ij västid jieijâs Palvâlus peht juksum eres palvâlusâi toimâtteijei siijđoi siskáldâsâst tâi toimâmist mongin uási peeleest.

Palvâlus lii vuolgâsajalávt kevttimnáál 24 tijmed pirrâmpeeivist. Meccihaldâttâs ij täähid, et Palvâlus tuáimá kevttimpođhâittáá tâi feilâttemmeeht. Meccihaldâttâs ij västid vuáháduv lijgemuokkâšuumeest šoddâm toimâmhemâdâsâin. Meccihaldâttâsâst lii kuás peri vuoigâdvuotâ väldiđ Palvâlus tâi ton uási koskâpuddâsávt meddâl kiävtust huolâttem, rustigij stellim, vuáháduv lijgemuokkâšume tâi mottoom eres velttimettumis suujâ keežild.

Meccihaldâttâsâst lii ain táátus mield vuoigâdvuotâ joskâđ Palvâlus faallâm ollásávt tâi uásild. Meccihaldâttâs almoot looppâtmist muuneeld Palvâlus peht tâi mottoom eres vuovvijn, mon tot ana pyerrin.

Vaahâgsajanmäksimkenigâsvuotâ

Meccihaldâttâs ij västid teknisij váádui, huolâttem tâi stellimpargoi tovâttem poođhâin, tiätujotolâhhemâdâsâin ige tain máhđulávt šaddee tiäđu ááijánmist, muttuumist tâi lappuumist máhđulávt kevttei šaddee njuolgâ tâi epinjuolgâ vahâgijn.

Heiviittum laahâ

Palvâlus kevttimân já kevttimiävtui tulkkuumân heiviittuvvoo Suomâ laahâ.

Kevttimiävtui vuáimán šoddâm já nubásmittem

Kevttimiävtuh šaddeh vuáimán iävtui aalgâst almottum peividemmuddoost já láá vyeimist tuáistáážân. Meccihaldâttâsâst lii vuoigâdvuotâ nubásmittiđ kevttimiävtuid almootmáin uđđâ kevttimiävtuin Palvâlusâst.

Täi kevttimiävtui peividmist ij lah vaiguttâs ovdil peividem tohhum tiiláámij iävttoid. Täid tiiláámáid heiviittuvvojeh iävtuh, moh lijjii vyeimist sopâmušrähtimmuddoost.

Registeristuumân vuáđuduvvee kiävtu joskâm

Kuábáš-uv uásipeeli puáhtá kuás peri celkkiđ kevttee registeristum luovâs. Kevttee ciälkká jieijâs registeristum luovâs táttumáin Meccihaldâttâs sikkođ suu äššigâstili. Kevttimvuoigâdvuođâ nuuhâm ij luovvii kevttee máávsuin, moid kevttee lii čonâsâm ovdil kevttimvuoigâdvuođâ nuuhâm.

Meccihaldâttâs-tubdâldâh

Meccihaldâttâs

PL 80 (Opastinsilta 12 C)

00521 Helsinki

Eräluvat

eraluvat@metsa.fi

+358 20 69 2424 (argân 9–15)

0,00€/min + pvm/mpm

Čuávu mii

facebookinstagramtwitteryoutubelinkedin
Macâttâs Kevttimiävtuh Haahâm- já maasâdkeessimiävtuh Tiätusyejičielgiittâs Saavutettavuusseloste