24.3.2026
Päikkikodálij juhâloveh šaddeh vyebdimnáál njuhčâmáánu 24. peeivi
Kieldâässeeh pyehtih puátteevuođâst haahâđ juhâkuálástemlove njuolgist Eräluvat.fi-palvâlusâst. Ovdeláá Iänuduv, Ucjuv já Aanaar kieldâässee juhâluuvijd lii ferttim tiiláđ palvâlemnumerist tâi palvâlemčuággást.
Juhâlope addel vuoigâdvuođâ puzzâvuoggâkuáláástmân tain staatâ čäcikuávluin, moh láá luosâ já kuávžur kuárŋumvijđoduvah. Lope máksá rävisulmuin 40 eurod, já tom puáhtá haahâđ tuše jieijâs päikkikieldân luosâ já kuávžur kuárŋumvijđoduvváid.
Love puáhtá haahâđ njuhčâmáánu 24. peeivi rääjist Eräluvat.fi-palvâlusâst. Jis kuálásteijest ij lah máhđulâšvuotâ haahâđ love digitallávt, te sun puáhtá suáittiđ Eräluvat palvâlemnumerân 020 69 2424, mii palvâl argân tijme 9–15. Love puáhtá haahâđ meiddei Tuodâr-laapi luándukuávdáást tâi Aanaar palvâlemčuággást.
Vuálá 18-ihásij juhâlope lii mávsuttem, já tom kalga haahâđ jo-uv palvâlemnumerist tâi palvâlemčuággást.
Njiävđám registersiijdâ kuávlust ässei loveh Njiävđámjuuhân sehe nuorttâlâšlaavâ miäldásiih kuálástemloveh háhhojeh palvâlemnumerist 020692424 12.5.2026 rääjist.
Luosâpivdo tärkkilistoo kiđđuv
Kieldâässei juhâluuvij iävtuh tärkkilistojeh vala maŋeláá. Tuáistáážân ij lah visesvuotâ tast, et ornâšuvá-uv páihálij luosâpivdo Tiänu uálgičaasijn. Njiävđámjuuvâ čácádâhkuávlust luosâ kuálástem kieldâässee juhâluuvijn lii puáttee paje ääigi kieldum.
Staatârääđi miärádâs luosâpiivdost Tiänu uálgičaasij peeleest šoodâš loppâkiiđâ tâi majemustáá algâkeesi ääigi.