Juvsâttetteevuotâčielgiittâs

Meccihaldâttâs viggá tähidiđ viermipalvâlus juvsâttetteevuođâ Laavâ digitallij palvâlusâi falâmist 306/2019 (finlex.fi) miäldásávt.

Taat juvsâttetteevuotâčielgiittâs kuáská Eräluvat.fi-viermipalvâlusân já Eräluvat-heiviittâsân. Kuábáš-uv lii olgosadelum 19.11.2024.

Juvsâttetteevuođâ tile

Eräluvat-heiviittâs tiävdá Viermisiskáldâs juvsâttetteevuotâravvui (WCAG) 2.1 tääsi AA-vátámušâid uásild já Eräluvat.fi-viermipalvâlus masa ollásávt. Vátámušâi nuávdithánnáá kyeđimeh já/tâi vátámuššáid heiviittum spiehâstuvah mainâšuvvojeh maŋeláá.

Ij-juvsâttettee siskáldâs Eräluvat.fi-viermipalvâlusâst

Maŋeláá mainâšum siskáldâs ij lah juvsâttettee čuávuvái suujâi keežild: Laavâ digitallij palvâlusâi falâmist 306/2019 nuávdithánnáá kyeđđim. Vuoluubeln mainâšum vááijuvvuotâ tivoduvvoo majemustáá 30.11.2025.

Luámáttâhelementij ravvuuh: Luámáttuvâin tiättojeijee puálloid kyeskee ravvuuh láá pááihui oovdânpuohtum eskin puálui vuoluubeln. (WCAG 1.3.2)

Siskáldâsâi já tiätuvuárhái juvsâttetteevuotân lohtâseijee huámášumeh

Videoh: Mainnii videoin váilu kuvvimtulkkum tâi tekstâhámásâš vaastâ. Videoid puáhtá kuittâg anneeđ muulsâiävtulâžžân oovdânpyehtimvyehhin siijđoi teekstân. (WCAG 1.2.1)
Pdf-luámáttuvah: Kanalintulupa-siijđost smaavâmeccivalje pajelove ucâmušluámáttâh ij lah juvsâttettee. Luámáttâh lii uáivildum tuše printtimnáál, ađai tom kalga tevdiđ kieđâi. Šleđgâhámásâš luámáttâh vist lii juvsâttettee. (WCAG 1.3.1)
Pdf-tiätuvuárháh: Korti lupalahjalle -siijđo luhotuáivuttemkoortah iä lah juvsâttetteeh. Toi luhotuáivuttemtekstâ šadda kuittâg siijđoin čielgâsin. Meid vuáláčallum tiätumerimiärádâsâid ij tuáistáážân lah máhđulâš olgosadeliđ juvsâttettee häämist. (WCAG 1.3.1)

Ij-juvsâttettee siskáldâs Eräluvat-heiviittâsâst

Visuallâšvuotâ

Káártá kevttimân lohtâseijee puálui kontrast ij lah jyehi saajeest tuárvi styeres. (WCAG 1.4.11)

Rááhtus

Puoh káártá kevttimân lohtâseijee elementeh iä lah merkkejum ohjelmlávt. (WCAG 4.1.2)
Element tiileest ij ain sirduu tiätu ruuvdulohhei (väljejum/ij väljejum). (WCAG 4.1.2)

Navigistem

Heiviittâs ij pyevti kevttiđ iOS:st puállupevdijn. (WCAG 2.1.1, 2.4.3. 2.4.7)
Vyelinavigaatio ij lah merkkejum ohjelmlávt. (WCAG 1.3.1)

Taam juvsâttetteevuotâčielgiittâs rähtim

Taat čielgiittâs lii rahtum 11.11.2024. Algâalgâlâš čielgiittâs vuáđuduvá ulguubiälásii äššitobdeeorganisaatio olášuttem árvuštâlmân já tot peividuvvoo palvâlusâi paijeentuállee tooimâst.

Čielgiittâs lii peividum moonnâm tove 25.7.2025.

Macâttâs já ohtâvuotâtiäđuh

Eräluvat.fi-viermipalvâlus já Eräluvat-heiviittâs juvsâttetteevuođâst puáhtá adeliđ macâttâs vuolgâtmáin šleđgâpoostâ čujottâsân eraluvat@metsa.fi. Juvsâttetteevuođâst já macâttâs kieđâvušmist västid Meccihaldâttâs Eräpalvelut.

Jis tun jieh kaavnâ tiäđu, mon lijjih ucâmin, tâi jieh pyevti kevttiđ palvâlus ij-juvsâttettee siskáldâs tiet, te mij palvâlep tuu muulsâiävtulijn vuovvijn. Tain tábáhtusâin tun puávtáh leđe ohtâvuođâst ovdeláá mainâšum čujottâsân tâi mii puhelinpalvâlusân numerist 020 69 2424. Puhelinpalvâlus palvâl argân tme 9–15. Suáitu hadde lii 0,00 eurod minuttist, mon lasseen äššigâs máksá páihálâšviermimáávsu tâi mätkisuáittumáávsu.

Olášuttemmonâttâllâm

Jis tun huámášah juvsâttetteevuotâčuolmâid, te addel vistig macâttâs palvâlus paijeentuállei (ohtâvuotâtiäđuh paijeen). Vástádâsâst puáhtá ájániđ 14 peivid. Jis tun jieh lah tuđâvâš ton vástádâsah, mon finnejih, tâi jis jieh finnii vástádâs ollágin kyevti oho ääigist, te puávtáh adeliđ macâttâs jotolâh- já viestâdemvirgádâhân.

Kocceemvirgeomâháá ohtâvuotâtiäđuh

Jotolâh- já viestâdemvirgádâh Traficom, Digitallii iästuttesvuođâ já juvsâttetteevuođâ kocceemohtâdâh

www.saavutettavuusvaatimukset.fi

saavutettavuus@traficom.fi, puhelinkuávdáš 029 534 5000