9.12.2025
Kulluuttâs: Kuálástem tiätumerimiärádâsah
Meccihaldâttâs lii Meccihaldâttâsâst adelum laavâ (234/2016) 18 § vuáđuld 9.12.2025 adelum miärádâsâiguin 2550/2025/08.02.00 já 2549/2025/08.02.00 nanodâm kuávlukuáhtásijd tiätumeerijd Meccihaldâttâs haldâšem staatâ čäcikuávlui kevttimist kyelipiivdon. Miärádâs 2550/2025 kuáská eennâmtieđâlávt sämikuávlu já miärádâs 2549/2025 eres Suomâ.
Miärádâsah tuállojeh uáinimnáál 15.1.2026 räi Aanaar palvâlemsaajeest (Inarintie 46, 99870 Aanaar), Tuodâr-Laapi luándukuávdáást (Peuratie 15, 99400 Iänudâh) já Meccihaldâttâs www.eraluvat.fi-siijđoin já www.metsa.fi-siijđoin.
Äššikirje uáinimnáál aasâtmist almottuvvoo čuávuvâš aavisijn: Helsingin Sanomat, Lapin Kansa, Kaleva, Maaseudun Tulevaisuus já Hufvudstadsbladet.
Miärádâssáid uážžu uuccâđ nubástus väidimáin Tave-Suomâ haldâttâhriähtán 30 peeivi siste miärádâsâi tiättunfinniimist. Tärhibeh ravvuuh nubástusucâmist láá miärádâsâi lahtosin väidimčujottâsâin.
Tiättunfinnim kiäččoo tábáhtum čiččâd peeivi almottâs almostitmist 9.12.2025 Meccihaldâttâs nettisiijđoin ađai 16.12.2025. Väidimäigi nohá 15.1.2026.
Helsigist 9. peeivi juovlâmáánu 2025
MECCIHALDÂTTÂS