1500 Gieldda olbmuid johkalohpi stággobivdui, Anár

Lobi sáhttá háhkat Eräluvat.fi-bálvalusas. Juos guollebivdis ii leat vejolašvuohta háhkat lobi čálalaččat, son sáhttá riŋget Eräluvat-bálvalusa bálvalannummirii 020 69 2424, mii bálvala árgan diibmu 9–15. Lobi sáhttá háhkat maid Duottar-Sámi luondduguovddážis dahje Anára bálvalanbáikkis.

Lohpi ii vuoigadahte luossabivdui Njávdáma čázádatguovllus jagis 2026.

Oahpásmuva guolledoalloguovllu guolástannjuolggadussii

Anára guolledoalloguovllu guolástannjuolggadusa gávnnat Anára guolledoalloguovllu siidduin (inarinkalatalousalue.fi, suomagillii).

Maid lobiid guolásteaddji dárbbaša

Johkalobi dárbu lea dan duohken, makkár čázádagas ja man galle stákkuin ja vuokkain guolástat.

Dán lohpeguovllus dárbbašat johkalobi, go guolástat vuokkain guoika- ja rávdnjeguovlluin. Dasa lassin don galggat máksit guolleváriiddikšunmávssu, earret jus leat vuollil 18-jahkásaš, badjel 70-jahkásaš dahje deavdán unnimustá 65 jagi 31.12.2023 rádjái.

Jus guolástat vuokkain dušše ovttain stákkuin ja vuokkain rávnnjehis čáziin, dego jávreviidumiin, guolleváriiddikšunmávssu máksin lea doarvái. Máŋggain stákkuin dahje vuokkain bivddedettiinat dárbbašat lassin johkalobi.

Oaggun ja bilken lea ollásit gildojuvvon goargŋunguollečázádagaid (dahjege maiddái dán lohpeguovllu) guoika- ja rávdnjeguovlluin. Rávnnjehis čáziin oaggun ja bilken lea lobálaš nuvttá ovttain stákkuin. Jus oakkut dahje bilket máŋggain stákkuin, don galggat oastit johkalobi ja máksit guolleváriiddikšunmávssu.

Dán lobi lassin gieldalaš ii dárbbaš háhkat johkaguovlluid eará stággolobiid iežas ruovttugieldda guovllus.

Lohpeguovllu čázit ja guovloráddjehusat

Anára gieldalačča johkalohpi vuoigadahttá guolástit stággoguolástanbiergasiin johkaguovlluin mat gullet stáhta čáziide Anára gieldda guovllus. Lohpái gullevaš čázádagaid PDF-kárttáid gávnnat čuoggás Kártáfiillat ja brošyrat.

• Čáziin, main guollebivdu ii leat guolledoalloguovllu dahje eará láhkaásahemiin ráddjejuvvon, lea guollebivdu lobálaš suttis čázi áigge vuhtii válddekeahttá luosa ja dápmoha, mat leat ráfáidahtton 1.9.–30.11.

• Lohpi ii vuoigadahte luossabivdui Njávdáma čázádatguovllus jagis 2026.

• Lohpi addá vuoigatvuođa bivdit maiddái guollegoaivuin (hoavva) 1.10.–30.11.

Guollebivddus galgá čuovvut čuovvovaš ráddjehus- ja ráfáidahttinmearrádusaid:

• Anára guolledoalloguovllu guolástannjuolggadus (inarinkalatalousalue.fi, suomagillii)

Johkalohpái gulakeahtes čáhceguovllut

• Lohpi ii atte lobi bivdit guovllu priváhtačáziin. Lassin lohpi ii atte vuoigatvuođa bivdit Anárjogas-Skiehččamis.

• Lohpi ii atte vuoigatvuođa bivdit bivdosiin.

Lassidieđut

Čázi liekkasvuođadili váikkuhus guolásteapmái

Čázi liekkasvuođadilli váikkuha mearkkašahtti láhkai dasa, mot luossaguolit cevzet go dat luitojuvvojit luovus. Go čázi liekkasvuođadilli lahkona +20 gráđa, luossaguliid bivdima ferte vihkkedallat vuđolaččat. Lieggasut čáziin luossaguliid bivdimis ferte garvit. Dalle gánnáha oidit šlájaid, mat girdet lieggasa buorebut, dego šuđđi, hávga ja vuskkon. Loga eambbo vásttolaš guolásteaddji rávvagiin (suomagillii).