Háhkan- ja šluhtteneavttut

Dát eavttut leat ođasmahttojuvvon maŋimuš 2.1.2026.

Háhkan- ja šluhtteneavttuin leat čuovvovaš namahusat:

Diŋgojeaddjioaivvildit olbmo, gii dikšu diŋgoma dahkama, nappo ovdamearkka dihtii oastá lobi dahje várre stobu. Diŋgojeaddjis lea ovddasvástádus iežas diŋgojumis, iežas addin dieđuin ja diŋgojupmái laktáseaddji mávssuin ja eavttuid mieldásaš nuppástusain ja šluhttemiin.
Diŋgojupmi mearkkaša oastima dahje várrema, masa šaddá diŋgonnummir. Ovtta diŋgojumis sáhttet leat máŋga lobi ja/dahje eará buktagat dahje bálvalusat, mat várrejuvvojit dahje ostojuvvojit neahttagávppi bokte.
Lobi geavaheaddji lea olmmoš, geas lea riekti geavahit lobi. Lobi geavaheaddji namma lea merkejuvvon lohpái. Diŋgojeaddji galgá almmuhit lobi geavaheaddji dieđuid diŋgojumi oktavuođas. Dieđut gieđahallojuvvojit diehtosuodječilgehusa mielde ja diŋgojeaddjis lea ovddasvástádus das, ahte lobiid geavaheaddjit leat diđolaččat das. Vuollil 16-jahkásaš olbmo dieđuid vurkemii dárbbašuvvo fuolaheaddji miehtan. Lobi geavaheaddji dahje diŋgojeaddji sáhttiba leat maiddái seammá olmmoš.
Lohpi mearkkaša čuoggás B Meahciráđđehusa guolástan-, meahccebivdo- ja luonddubuvttalobiid, earret vuonccesloddeáigodatlobiid, mat gieđahallojuvvojit čuoggás C. Meahciráđđehusa meahccejohtaluslobit gieđahallojuvvojit čuoggáin D–E.
Háhkan- ja šluhtteneavttut mearkkašit dáid eavttuid.

Meahciráđđehusa meahccebivdo-, guolástan- ja meahccejohtaluslobit leat hálddahusmearrádusat. Jus lea duhtameahttun mearrádussiii, njulgema oažžu ohcat Meahciráđđehusas 30 beaivvi siste dan maŋŋá, go lea ožžon dieđu mearrádusas. Njulgengáibádusčujuhusa oažžu Meahciráđđehusa Meahccelobiid (Eräluvat) áššehasbálvalusas. Njulgengáibádusa geažil addojuvvon mearrádus máksá.

A. Almmolaš eavttut

Diŋgojeaddjis lea alddis ovddasvástádus das, ahte son lea ovdal diŋgoma oahpásmuvvan

ieš lohpái, bálvalussii dahje buktagii laktáseaddji dokumeanttaide ja eavttuide,
Eräluvat.fi-neahttabálvalusa geavahaneavttuide ja diehtosuodječilgehussií ja
dáid háhkan- ja šluhtteneavttuide.

Jus diŋgojeaddji ii dohkket ovddabealde namuhuvvon eavttuid, son ii maiddái sáhte háhkat lobiid dahje eará buktagiid dahje bálvalusaid, maidda eavttut gusket.

1. Diŋgon ja eavttuid dohkkeheapmi

Lohpediŋgojumi sáhttá dahkat Eräluvat.fi-neahttabálvalusas dahje Meahciráđđehusa Eräluvat áššehasbálvalusa bokte. Lobiid sáhttet vuovdit maiddái Meahciráđđehusa fápmudan lohpevuovdit. Stobu sáhttá várret Eräluvat.fi-neahttabálvalusas dahje Meahciráđđehusa Luonddubálvalusaid áššehasbálvalusa bokte.

Neahttabálvalusas diŋgojeaddji llasiha lobiid/buktagiid/bálvalusaid gálvogorii, maid áigu oastit dahje várret. Sirdašuvadettiin máksit diŋgojeaddji deavdá vuos iežas dieđuid. Fitnodatáššehas vállje ”Lean fitnodatáššehas” ja deavdá fitnodaga dieđuid ja iežas dieđuid. Dán maŋŋá diŋgojeaddji deavdá vejolaš lobiid geavaheaddjiid dieđuid. Diŋgojeaddji dohkkeha eavttuid bidjamin ruossa sadjái ”Dohkkehan háhkan- ja šluhtteneavttuid” ja nanne diŋgojumi. Čadni soahpamuš šaddá, go diŋgojeaddji čađaha mávssu.

Sisačálihan áššehas sáhttá guođđit diŋgojumi várrema, juos lobi, bálvalusa dahje buktaga álgináigái lea badjel 14 jándora. Diŋgojumi máksima máksinbeaivi lea eanaš dáhpáhusain 14 jándora ovdal lobi, bálvalusa dahje buktaga álgináiggi. Lobiid, stobuid dahje eará bálvalusaid ja buktagiid, main sáhttá guođđit várrema, meari ja máksinbeaivvi leat sáhttán ráddjet buktagiid mielde. Sisačálikeahtes áššehasa dahkan diŋgojumi galgá máksit dalánaga.

Áššehasbálvalusa bokte diŋgojumi dagadettiin áššehas galgá addit dárbbašlaš dieđuid diŋgojupmái. Diŋgojupmi dahkkojuvvo eanaš dáhpáhusain diŋgojupmin, mii máksojuvvo máksinliŋkkain. Áššehas oažžu šleađgapostii dahje báhpárii diŋgonduođaštusa, dáid eavttuid ja máksinrávvagiid.

Dárbbu mielde áššehasbálvalusa bokte sáhttá dahkat diŋgojumi, mii máksojuvvo rehkegin. Rehketdiŋgojumiide sáhttá lasihuvvot 3,50 euro rehketčállinlasáhus (sis. álv).

Rehkega vuollásaš priváhtaáššehasas galgá leat suopmelaš persovdnadovddaldat. Priváhtaáššehasaid rehketdiŋgojumiide lasihuvvo álo rehketčállinlasáhus.
Fitnodat- ja searveáššehasas áššehasbálvalusa bokte diŋgodettiin máksinvuohkin lea rehket. Rehkega vuollásaš fitnodagas/searvvis galgá leat suopmelaš F-dovddaldat. Fitnodat-/searveáššehasaid rehkegiidda ii lasihuvvo rehketčállinlasáhus, juos ii leat vejolaš fállat eará máksinvuogi.

Juos diŋgojupmi spiehkkasa ovdalis čilgejuvvon vugiin, diŋgojeaddji galgá váldit ájahalakeahttá oktavuođa Meahciráđđehusa Eräluvat áššehasbálvalussii, stohpovárremiin Luonddubálvalusaid áššehasbálvalussii.

2. Diŋgojumi rievdadeapmi dahje šluhtten

Diŋgojumi sáhttá rievdadit dušše Meahciráđđehusa áššehasbálvalusa bokte gažaldatvuloš lohpái, buktagii dahje bálvalussii guoski eavttuid mielde.

Mávssekeahtes diŋgojumis sáhttá dahkat šluhttema maŋimustá máksinbeaivve gieđahallangoluid haga, juos ii gv. lobi, buktaga dahje bálvalusa guoskkahahtti eavttuin máinnašuvvo nuppe láhkai.

Diŋgojumis mii máksojuvvo máksinliŋkkain dahje Eräluvat.fi-neahttabálvalusas sáhttá dahkat diŋgonmáhcaheami áššehasbálvalusa bokte. Guktuin diŋgojumiin sáhttá dahkat diŋgonmáhcaheami maiddái neahttabálvalusa áššehaskonttu bokte, juos diŋgojupmi lea ovttastuvvon gárvvisin leamaš áššehaskontui. Juos diŋgojumi ii mávsse, dat šluhttejuvvo automáhtalaččat máksinbeaivvi maŋŋá (el. lobit maid galgá ohcat ohcamušain).
Diŋgojumis mii máksojuvvo rehkegiin sáhttá dahkat šluhttema dušše beare áššehasbálvalusa bokte. Rehkega mávssekeahttá guođđin ii leat diŋgojumi šluhtten.

Máksojuvvon diŋgojumi šluhtten dahje rievdadeapmi ii leat vejolaš, jus gažaldatvuloš lobi, buktaga dahje bálvalusa eavttuin ii namuhuvvo eará láhkai.

Meahciráđđehus ii mávsse ruovttoluotta supmiid, mat leat vuollil 30 euro.

3. Diŋgojumi máksin

Eräluvat.fi-neahttabálvalusa bokte dahkkojuvvon diŋgojumit máksojuvvojit neahttabálvalusas. Meahciráđđehusa bargit eai sádde diŋgojeaddjái rehkegiid, nannehusa dahje eará sullasaš dieđuid neahttabálvalusa bokte dahkkojuvvon diŋgojumis.

Áššehasbálvalusa bokte dahkkojuvvon diŋgojumit máksojuvvojit álgovurrosaččat máksinliŋkka bokte.

Diŋgojeaddji vástida ieš das, ahte son máksá diŋgojumiidis máksinbeaivve rádjái. Diŋgojumit, mat máksojuvvojit neahttabálvalusas dahje máksinliŋkkain šluhttejuvvojit automáhtalaččat, juos dat eai máksojuvvo máksinbeaivve rádjái. Dát ii guoskka lobiid, maid galgá ohcat ohcamušain iige rehketdiŋgojumiid.

Lobit, maid galgá ohcat ohcamušain máksojuvvojit vuosttamužžan máksinliŋkkain. Gieđahallon mávssekeahtes lohpeohcamušas sáddejuvvo diŋgojeaddjái bearrangelbbolaš rehket, juos máksu ii leat boahtán máksinbeaivve rádjái.

Olles diŋgojupmi máksojuvvo hávil. Hattit sisttisdollet guđege áigge fámus lean árvvulassevearu. Riekti hadderievdadusaide várrejuvvo.

Máksinduođaštus doaibmá guiten.

4. Bággobearrangelbbolašvuohta

Dat ii leat šluhttejupmi, jus guođđá rehkega mávssekeahttá (geahča čuoggá A 2). Rabas ruhtaoažžumat leat bearran- ja bággobearrangelbbolaččat.

Meahciráđđehusas addojuvvon lága (234/2016) 24§ ja stáhta máksovuođđolága (150/1992) 11 § vuođul máksu Meahciráđđehusa almmusvuoigatvuođalaš bálvalusas soaitá bearrat almmá duomu dahje mearrádusa haga dan ortnega mielde go vearuid ja mávssuid bearramis bággobearrandoaimmas addojuvvon lágas (367/61) ásahuvvo.

5. Neahttabálvalusa ráddjehusat

Meahciráđđehus ii dáhkit, ahte áššehasa diŋgojupmi lihkostuvvá. Diŋgojupmi sáhttá eahpelihkostuvvat, jus gažaldatvuloš buvtta nohká danin, ahte seammá áigge dahkkojuvvo nubbi diŋgojupmi. Vuogádat sáhttá maid bahkašuvvat, mii soaitá dagahit doaibmahehttehusa, man dihtii diŋgojupmi ii lihkostuva. Jus buktagat, maid diŋgojeaddji háliida, leat oažžumis dušše dihto veardde, Meahciráđđehus ii dáhkit, ahte diŋgojeaddji oažžu lobi dahje eará buktaga/bálvalusa dan guvlui ja áigodahkii, gosa son álgoálggus geahččalii oastit dahje várret lobi dahje eará buktaga/bálvalusa.

Meahciráđđehusas ii leat ovddasvástádus vahágis, mii lea šaddan geavahančuolmmain, boatkkagiin dahje eará teknihkalaš sivain, mat váttásmahttet neahttabálvalusa geavaheami. Máksin ja máhccan doppe ruovttoluotta neahttabálvalussii dáhpáhuvvá goalmmát oassebeali bálvalusas, man doaimmain Meahciráđđehusas ii leat ovddasvástádus. Meahciráđđehusas ii maiddái leat ovddasvástádus vahágiin, mat badjánit eahpenjuolga diŋgojeaddjái, go diŋgojupmi ii lihkostuva.

Diŋgojumi oktavuođas diŋgojeaddjis alddis lea ovddasvástádus das, ahte son oažžu neahttabálvalusas alcces diŋgojupmái laktáseaddji dokumeanttaid dego diŋgonnannehusa, eavttuid ja eará vejolaš dieđuid, mat laktásit lohpái, buktagii dahje bálvalussii. Vuogádat sádde lihkostuvvan diŋgojumis nannehusšleađgapoastta ja dárbbašuvvon dokumeanttaid dan e-poastačujuhussii, man diŋgojeaddji lea registreredettiinis dahje diŋgojumi oktavuođas addán. Dát šleađgapoastanannehus ii leat eaktu dasa, ahte soahpamuš šaddá, muhto baicca soahpamuš ja dan máksingeatnegasvuohta leat šaddan juo árabut, go diŋgojeaddji lea dohkkehan ja nannen diŋgojumi.

6. Máksogaskkusteaddji dieđut

Mávssuid gaskkustanbálvalusa ollašuhttá ja máksinbálvalusa fállá Paytrail Oyj (2122839-7) ovttasbarggus suopmelaš báŋkkuid ja loatnalágádusaiguin. Visa- dahje MasterCard-koarttaiguin mávssedettiin Paytrail Oyj oidno mávssu vuostáiváldin, ja dat gaskkusta mávssu Meahciráđđehussii. Paytrail Oyj:s lea máksolágádusa doaibmalohpi.

7. Persovdnadieđuid registreren, gieđahallan ja addin

Meahccelobit-bálvalusa diehtosuodječilgehusa sáhttá lohkat čujuhusas eraluvat.fi/se/tietosuojaseloste dahje dan sáhttá bivdit alcces riŋgemiin Meahciráđđehusa Meahccelobiid bálvalusnummirii 020 69 2424.

B. Guolástan-, meahccebivdo- ja luonddubuvttalobiid eavttut

Meahciráđđehusas ii dávjjimusat leat ovddasvástádus meahccebivdo- ja guolástanáiggiid dieđiheamis, muhto baicca áššehas lea geatnegahttojuvvon dárkkistit áiggiid virggálaš dieđihankanálain, nappo Suoma fuođđoguovddáža riista.fi-siidduin, kalastusrajoitus.fi-bálvalusas dahje eanan- ja vuovdedoalloministeriija siidduin mmm.fi.

1. Mávssekeahtes diŋgojumi šluhtten, rievdadeapmi dahje sirdin nuppi olbmui

Mávssekeahtes diŋgojumi sáhttá dahkat šluhttema maŋimustá máksinbeaivve almmá gieđahallangoluid haga čuoggás A 2 muitaluvvon vugiin.

Jus mávssekeahtes diŋgojupmi rievdaduvvo, nuppástusas berrojuvvojit 15 euro (sis. álv) sturrosaš gieđahallangolut. Nuppástusaid ferte dahkat Meahciráđđehusa Eräluvat-áššehasbálvalusa bokte diŋgojumi máksináigemeari rádjái.

Earrebeaivvi maŋŋá mávssekeahtes diŋgojumi ii sáhte šluhttet, rievdadit dahje sirdit lobi nuppi olbmui.

2. Máksojuvvon diŋgojumi dahje lobi šluhtten, rievdadeapmi dahje sirdin nuppi olbmui

Máksojuvvon diŋgojumi dahje lobi, mii das lea, ii sáhte sirdit nuppi áigodahkii dahje nuppi lohpeguvlui.

Dihto diliin diŋgojeaddjis lea riekti šluhttet lobi dahje sirdit dan nuppi olbmui.

Persovnnalaš lobi sáhttá šluhttet dahje sirdit nuppi olbmui, juos diŋgojeaddji ieš, lobi geavaheaddji dahje sidjiide lagaš olmmoš buohccá duođalaččat, gártá duođalaš bártái dahje jápmá. Lagaš olmmožin gávnnahuvvo náittosguoibmi, ássanguoibmi, mánná, váhnen, vuohppa ja vuoni, oarbin, áhkkut dahje áddjut ja áddjá ja áhkku. Lobi sáhttá šluhttet dahje sirdit maid, juos diŋgojeaddjái dahje lobi geavaheaddjái geavvá eará vuorddekeahtes ja duođalaš dáhpáhus. Eará vuorddekeahtes ja duođalaš dáhpáhus lea ovdamearkka dihtii mearkkašahtti vahát opmodahkii, dego viesu buollin. Duođalaš vahágin ii gávnnahuvvo ovdamearkka dihtii beatnaga buohccán dahje jápmin iige biilla cuovkaneapmi.

Diŋgojeaddji galgá almmuhit diŋgoma šluhttemis dahje lobi sirdimis nuppi olbmui ájahalakeahttá Meahciráđđehusa Eräluvat áššehasbálvalussii. Diŋgojeaddji galgá čujuhit lobi geavaheami eastaga luohtehahtti čilgehusain nu jođánit go vejolaš. Luohtehahtti čilgehusaide gullet doaktárduođaštus, dearvvašvuođadivššára duođaštus, bolesdutkamušbeavdegirji dahje dáhkádusfitnodaga cealkámuš. Duođaštussan dohkkehuvvo maiddái duođaštus oahpuid álggaheamis dahje geardduhanhárjehallamis. Duođaštusas galget leat duođaštusa addán olbmo oktavuođadieđut ja duođaštus galgá gokčat lohpeáiggi. Čilgehusa galgá doaimmahit Meahciráđđehussii čujuhussii Metsähallitus Eräpalvelut, PL 81, 90101 OULU dahje šleađgapoasttain čujuhussii eraluvat@metsa.fi. Čilgehusas galgá lassin máinnašit, man lobi diŋgonma šluhtten dahje sirdin guoská (lohpenummir).

Juos diŋgojeaddji háliida sirdit lobi nuppi olbmui ovdalis namuhuvvon luohtehahtti čilgehusa vuođul, son galgá doaimmahit ođđa olbmo dieđuid ja luohtehahtti čilgehusa lobi geavaheami eastagis Meahciráđđehusa Eräluvat-áššehasbálvalussii maŋimustá 3 árgabeaivvi ovdal go lohpi álgá. Sirdimis eai berrojuvvo gieđahallangolut. Lohpeáigodaga dahje guovllu ii sáhte molsut.

Lobi ferte šluhttet ovdal go lohpeáigodat álgá. Juos ovddabealde namuhuvvon sivaid vuođul lohpi šluhttejuvvo dalle, go lohpi lea juo fámus, lobi haddi ii buhttejuvvo. Eastaga galgá duođaštit maŋemustá guovtti vahku geažes dan maŋŋel go dat lea ihtán, earret juos dán mearreáiggi čuovvun lea diŋgojeaddjái govttohis váttis.

Juos seammá olbmui leat ostojuvvon seammá lohpeguvlui guokte dahje máŋga lobi, mat gokčet aiddo seammá áigodaga, badjelmearálaš lobiid sáhttá šluhttet, go lobi diŋgojeaddji váldá oktavuođa 2 jándora siste lobi oastima maŋŋel. Juos lohpi lea juo fámus, lohpi ii šluhttejuvvo. Lobi ii sáhte sirdit nuppi áigodahkii, lohpeguvlui dahje olbmui. Latnjalas lobiid šluhtten ii leat vejolaš guoikačuozáhagain, maid guolásteaddji sáhttá várret ollásit alcces, iige bivdduslohpeguovlluin.

Lobi šluhttemis unnimus ruhtasubmi, mii máhcahuvvo, lea 30 euro. Lobiid šluhttemiid eai daga almmá ruhtamáhcaheami.

3. Guollenáliiddikšunmáksu

Guollenáliiddikšunmávssuide guoskaduvvojit čuoggás B 1 ja B 2 muitaluvvon lohpeeavttut muđui, muhto guollenáliiddikšunmávssuid nuppástusain eai berrojuvvo gieđahallangolut.

Guolástanlága 81 § mielde Meahciráđđehusas ii almmá erenomáš siva haga leat geatnegasvuohta doaimmahit ođđa duođaštusa guollenáliiddikšunmávssu máksimis, jus olmmoš lea láhppán ovddit duođaštusas.

Meahciráđđehusas ii almmá erenomáš siva haga leat geatnegasvuohta máhcahit feaillalaččat máksojuvvon guollenáliiddikšunmávssu.

Jus diŋgojeaddji lea máksán guollenáliiddikšunmávssu jahkemávssu guktii, badjelmearálaš máksu sáhttá sirdojuvvot diŋgojeaddji almmuhan olbmui. Jus badjelmearálaš guollenáliiddikšunmávssu ii sáhte sirdit nuppi olbmui, badjelmearálaš mávssu sáhttá máhcahit. Áššehas ferte leat njuolga oktavuođas Meahciráđđehusa Meahccelobiid áššehasbálvalussii maŋimustá 90 jándora siste mávssu máksima maŋŋá, vai máhcaheapmi dahje nuppástus lea vejolaš.

Jus oanehisáigásaš guollenáliiddikšunmáksu lea máksojuvvon guktii, máksu sáhttá sirdojuvvot nuppi olbmui. Nuppástusa ferte dahkat ovdal go lohpeáigi álgá.

4. Stággobivdolobi šluhtten spiehkastatdilis

Jus čáhci guolástančuozáhagas lieggana badjel 21 gráđđii, Meahciráđđehus sáhttá gaskaboddosaččat gaskkalduhttit lohpevuovdima čuozáhahkii dorvvastan dihtii lunddolaš luossanáli. Lohpevuovdima ferte gaskkalduhttit álo dihto áigodahkii, man maŋŋá dilli árvvoštallojuvvo ođđasit.

Jus stággobivdolohpi lea juo háhkkojuvvon dihto áigodahkii, diŋgojeaddji sáhttá

šluhttet máksojuvvon lobi ollásit ja oažžut ruđaid ruovttoluotta. Lobi ferte šluhttet ovdal go lohpi álgá Meahciráđđehusa Meahccelobiid áššehasbálvalusas. Spiehkastatdilis ja daidda laktáseaddji ruđaid máhcahemiid birra gulahallet álo sierra Eräluvat.fi-bálvalusas.
guolástit máksojuvvon lobiin, jus háliida. Dát ii goittotge ávžžuhuvvo. Meahciráđđehus ii sáhte ovttabealagit nuppástuhttit dahje šluhttet guolástanlobi almmá lobi diŋgojeaddji miehtama haga.

5. Meahccebivdolobiid šluhtten bivdoáiggiid regulerema dihtii

Meahciráđđehus vuovdá meahccebivdolobiid maiddái ovdal go eanan- ja vuovdedoalloministeriija lea nannen vuovdevuoncáid bivdoáiggiid láhkaásahusa boahttevaš meahccebivdojahkái. Čavčča lohpevuovdinvahkus vuovdimassii ásahuvvon vuonccesloddelobit vuođđuduvvet eanan- ja vuovdedoalloministeriija láhkaásahushápmosii bivdoáiggiid birra.

Jus bivdoáiggit eai leat nannejuvvon ovdal lohpevuovdima álgima, áššehas ferte álgovurrosaččat oahpásmuvvat Eräluvat.fi-bálvalusas almmustahttojuvvon láhkaásahushápmosii vuođđuduvvi bivdoáiggiide. Meahciráđđehus šluhtte ovdal vuovdevuoncáid bivdoáiggiid láhkaásahusa nannema ostojuvvon vuonccesloddelobiid dušše dalle, go nannejuvvon láhkaásahus ii daga vejolažžan mange vuovdevuonccesšlája meahcásteami dalle, go lohpi lea fámus. Dáin spiehkastatdiliin ja daidda laktáseaddji ruđaid máhcahemiin gulahallet álo sierra Eräluvat.fi-bálvalusas.

6. Sállaša almmuheapmi

Lobi geavaheaddji leat geatnegas almmuhit, man ollu lea ožžon sállaša dalán, go bivdu lea nohkan (meahcástanláhka 46 §). Sálašdieđut almmuhuvvojit álgovurrosaččat neahtas čujuhusas saalispalaute.eraluvat.fi.

Guollebivddu sálasmáhcahat addojuvvo omakala.fi-bálvalusa bokte ja muhtin dáhpáhusain maiddái sierra lohpeguovllu lohpeeavttuin govviduvvon vugiin.

C. Vuonccesloddeáigodatlobiid eavttut

Vuonccesloddeáigodatlohpi mearkkaša dán ohcamušbuktosa, man namma lea Smávvafuođđuid áigodatlohpi, mii sisttisdoallá maid eanalottiid.

1. Mávssekeahtes vuonccesloddeáigodatlobi šluhtten dahje rievdadeapmi

Gieđahalakeahtes vuonccesloddeáigodatlohpeohcamuša sáhttá šluhttet dahje dan sáhttá rievdadit ohcanáigodagas Eräluvat.fi-neahttabálvalusa bokte.

Mieđihuvvon mávssekeahtes vuonccesloddeáigodatlobi sáhttá háliidettiinis dahkat šluhttema maŋimustá máksinbeaivve (15.6.) almmá šluhttengoluid haga. Lohpi šluhttejuvvo váldimiin oktavuođa Meahciráđđehusa Meahccebálvalusaid áššehasbálvalussii. Máksinearrebeaivvi maŋŋá vuonccesloddeáigodatlobi ii sáhte šat šluhttet, ja lobi ferte máksit ollásit. Dat ii leat šluhttejupmi, jus guođđá mávssekeahttá mieđihuvvon lobi. Mieđihuvvon vuonccesloddeáigodatlobi ii sáhte rievdadit dahje sirdit nuppi olbmui.

2. Máksojuvvon vuonccesloddeáigodatlobi rievdadeapmi

Máksojuvvon vuonccesloddeáigodatlobi ii prinsihpalaččat sáhte šluhttet.

Dihto diliin máksojuvvon vuonccesloddeáigodatlobi sáhttá šluhttet ja diŋgojeaddjis lea vuoigatvuohta oažžut ruovttoluotta das máksojuvvon hatti. Lobi sáhttá šluhttet, jus lobi ožžon olmmoš ieš dahje su lagašolmmoš buohccá duođalaččat, gártá duođalaš bártái dahje jápmá. Lagašolmmožin gávnnahuvvo náittosguoibmi, ássanguoibmi, mánná, váhnen, vuohppa ja vuoni, oarbin, áhkkut ja áddjut, ja áddjá ja áhkku. Lobi sáhttá šluhttet maiddái dalle, jus lobi geavaheaddjái geavvá mii nu eará vuorddekeahtes ja duođalaš bárti. Eará vuorddekeahtes ja duođalaš bárti lea ovdamearkka dihtii mearkkašahtti vahát opmodahkii, dego dálu buollin. Duođalaš vahágin ii gávnnahuvvo ovdamearkka dihtii dat, jus beana buohccá dahje jápmá dahje biila cuovkana.

Šluhtten ferte dahkkojuvvot ovdal go lohpeáigi álgá. Jus ovddabealde namuhuvvon sivaid dihtii lohpi šluhttejuvvo dalle, go lohpi lea juo fámus (1.8.), lobi haddi ii buhttejuvvo.

Diŋgojeaddji ferte almmuhit šluhttemis dalán Meahciráđđehusa Meahccelobiid áššehasbálvalussii. Son galgá duođaštit lobi geavaheami eastaga luohtehahtti čilgehusain nu jođánit go vejolaš. Eastaga galgá duođaštit maŋimustá guovtti vahku siste dan ihtima maŋŋá, earret jus dán mearreáiggi lea mearehis váttis čuovvut. Luohtehahtti čilgehussan gávnnahuvvo doavtterduođaštus, dearvvašvuođadikšára duođaštus, bolesdutkanbeavdegirji dahje dáhkádusfitnodaga cealkámuš. Čilgehusa ferte doaimmahit Meahciráđđehussii čujuhussii Metsähallitus Eräpalvelut, PL 81, 90101 OULU dahje šleađgapoasttain čujuhussii eraluvat@metsa.fi. Čielggadeamis ferte lassin namuhit, man lohpái šluhttejupmi guoská (lohpenummir).

D. Meahccejohtaluslobiid eavttut

1. Mávssekeahtes luoddalobi šluhtten

Mávssekeahtes diŋgojumi sáhttá šluhttet ovdal máksima earrebeaivvi almmá gieđahallangoluid haga čuoggás A 2 govviduvvon vugiin.

2. Máksojuvvon luoddalobi šluhtten

Luoddalobi diŋgojeaddjis lea vuoigatvuohta šluhttet máksojuvvon lobi ja oažžut buhtadusa lohpemávssus čuovvovaš eavttuiguin:

Jus šluhttejupmi dahkkojuvvo ovdal go lohpi lea fámus, diŋgojeaddjái buhttejuvvo lobi haddi.
Jus šluhttejupmi dahkkojuvvo dalle, go lohpi lea juo fámus, máksu ii máhcahuvvo.

Šluhttejumi ferte dahkat sáddemiin šleađgapoastta čujuhussii maastoliikenneluvat@metsa.fi. Unnimus ruhtasubmi, mii máhcahuvvo, lea 30 euro.

3. Luoddalobi rievdadeapmi dahje sirdin nuppi olbmui

Luoddalobi ii sáhte rievdadit dahje sirdit nuppi olbmui. Luoddalobi ferte šluhttet čuoggá D 1 ja D 2 šluhtteneavttuid mielde, man maŋŋá luoddalobi sáhttá oastit ođđasit nuppástuhtton dieđuiguin.

4. Gieđahalakeahtes gielkáluottaid olggobeale meahccejohtaluslohpeohcamuša šluhtten

Gielkáluottaid olggobeallái ohccojuvvon meahccejohtaluslobi sáhttá šluhttet, jus diŋgojeaddji šluhttet lobi ovdal go Meahciráđđehus lea dahkan ohcamuššii meahccejohtaluslohpemearrádusa (mieđihuvvon dahje ii mieđihuvvon). Šluhttejupmi ferte dahkkojuvvot sáddemiin šleađgapoastta čujuhussii maastoliikenneluvat@metsa.fi. Lohpeohcamuša šluhttema gieđahallamis berrojuvvo birasministeriija láhkaásahusa (96/2024) 7 § vuođul dahkkojuvvon bargomeari vástideaddji máksu.

5. Meahciráđđehusa gieđahallan gielkáluottaid olggobeale meahccejohtaluslobi šluhtten birgetmeahttun eastaga dihtii

Álgovurrosaččat Meahciráđđehusa addin gielkáluottaid olggobeale meahccejohtaluslobi (dás duohko lohpi) ii sáhte šluhttet.

Lobi sáhttá goittotge šluhttet, jus diŋgojeaddji ieš, lobi geavaheaddji dahje sidjiide lagaš olmmoš buohccá duođalaččat, gártá duođalaš bártái dahje jápmá. Lagašolmmožin gávnnahuvvo náittosguoibmi, ássanguoibmi, mánná, váhnen, vuohppa ja vuoni, oarbin, áhkkut ja áddjut, ja áddjá ja áhkku. Lobi sáhttá šluhttet maiddái dalle, jus lobi geavaheaddjái geavvá mii nu eará vuorddekeahtes ja duođalaš bárti. Eará vuorddekeahtes ja duođalaš bárti lea ovdamearkka dihtii mearkkašahtti vahát opmodahkii, dego dálu buollin. Duođalaš vahágin ii gávnnahuvvo ovdamearkka dihtii dat, jus beana buohccá dahje jápmá dahje biila cuovkana.

Diŋgojeaddji (dahje dat, gii dikšu áššiid diŋgojeaddji beales) ferte almmuhit šluhttemis dalán sáddemiin šleađgapoastta čujuhussii maastoliikenneluvat@metsa.fi. Son galgá duođaštit lobi geavaheami eastaga luohtehahtti čilgehusain nu jođánit go vejolaš. Eastaga galgá duođaštit maŋimustá guovtti vahku siste dan ihtima maŋŋá. Luohtehahtti čilgehussan gávnnahuvvo doavtterduođaštus, dearvvašvuođadikšára duođaštus, bolesdutkanbeavdegirji dahje dáhkádusfitnodaga cealkámuš. Čilgehusa galgá doaimmahit Meahciráđđehussii čujuhussii Metsähallitus Eräpalvelut, PL 81, 90101 OULU. Čilgehusas galgá lassin namuhit, man lohpái šluhtten guoská (lohpenummir).

Dohkálaš siva vuođul šluhttejuvvon lobis máhcahuvvo ruovttoluotta das máksojuvvon haddi. Jus ášši lea fámohuvvan ohcamuša šluhttema dahje ohcci geažil eará siva dihtii, ášši gieđahallamis berrojuvvo birasministeriija láhkaásahusa (96/2024) 7 § vuođul dahkkojuvvon bargomeari vástideaddji oassi mávssus sierra rehkegiin. Unnimus ruhtasubmi, mii máhcahuvvo, lea 30 euro. Jus ovddabealde namuhuvvon sivaid dihtii šluhttejupmi dahkkojuvvo dalle, go lohpi lea juo fámus, ii lobi haddi buhttejuvvo ruovttoluotta iige lohpi sirdojuvvo eará olbmui.

6. Meahciráđđehusa gieđahallan gielkáluottaid olggobeale meahccejohtaluslobi šluhtten almmá erenomáš siva haga

Meahciráđđehusa addin gielkáluottaid olggobeale meahccejohtaluslohpemearrádusa (mieđihuvvon dahje ii mieđihuvvon) ii sáhte šluhttet almmá čuoggás D 5 namuhuvvon erenomáš siva haga.

Dat ii leat šluhttejupmi, jus guođđá lohpemearrádusa mávssekeahttá.

7. Meahciráđđehusa gieđahallan gielkáluottaid olggobeale meahccejohtaluslobi rievdadeapmi dahje sirdin nuppi olbmui almmá erenomáš siva haga

Meahciráđđehusa addin gielkáluottaid olggobeale meahccejohtaluslobi (mieđihuvvon dahje ii mieđihuvvon) ii sáhte rievdadit. Lobi ii sáhte maiddái sirdit nuppi olbmui.

E. Meahccejohtalusa fitnodat- ja joavkolobiid eavttut

1. Gieđahalakeahtes fitnodat- dahje joavkolobi šluhtten

Fitnodat- dahje joavkolobi sáhttá šluhttet, jus diŋgojeaddji šluhtte lobi ovdal go Meahciráđđehus lea dahkan ohcamuššii guoski meahccejohtalusmearrádusa (mieđihuvvon dahje ii mieđihuvvon). Šluhttejumi ferte dahkat sáddemiin šleađgapoastta čujuhussii maastoliikenneluvat@metsa.fi. Lohpeohcamuša šluhttema gieđahallamis berrojuvvo birasministeriija láhkaásahusa (96/2024) 7 § vuođul dahkkojuvvon bargomeari vástideaddji máksu.

Meahccejohtalussafárifitnodat almmuha iešguđet safári meahccejohtaluslobiid iešheanalis. Iešguđege safári meahccejohtaluslobi ii sáhte šluhttet lobi almmuhusa maŋŋá.

2. Meahciráđđehusa gieđahallan fitnodat- dahje joavkolobi šluhtten

Fitnodat- dahje joavkolobi ii sáhte šluhttet, go Meahciráđđehus lea addán dáidda guoski meahccejohtaluslohpemearrádusa (mieđihuvvon dahje ii mieđihuvvon).

Dat ii leat šluhttejupmi, jus guođđá lohpemearrádusa mávssekeahttá.

3. Meahciráđđehusa gieđahallan fitnodat- dahje joavkolobi rievdadeapmi dahje sirdin nuppi olbmui nammii

Meahciráđđehusa addin fitnodat- dahje joavkolohpemearrádusa (dás duohko meahccejohtaluslohpi/lohpi) ii sáhte rievdadit dahje sirdit nuppi olbmo nammii.

Dihto safárii mieđihuvvon meahccejohtaluslobi ii sáhte rievdadit lobi almmuheami maŋŋá.

F. Stobut ja eará várrenvuloš čuozáhagaid eavttut

Stobuid ja eará várrenvuloš čuozáhagaid oasil diŋgojeaddji dohkkeha dáid eavttuid čuoggá A. Almmolaš eavttut ja čujuhusas www.eraluvat.fi/se/stobut/stobuid-varreneavttut gávdnojit várreneavttut.