Máksinvuogit

Priváhtaolbmo molssaeavttut máksimii

Diŋgojumi sáhttá máksit

neahttabáŋkkus,
máksingoarttain (Visa, Mastercard) dahje
mobiilamáksinvugiin (MobilePay, Google Pay, Apple Pay).

Diŋgojumi gánneha dahkat sisačálihan áššehassan. Dalle lobit ja stohpovárremat báhcet vuorkái du áššehaskontui ja oaččot diŋgojumistat máksinliŋkka, man bokte sáhtát máksit várrejumiidat máksinmearrebeaivvi rádjái. Áššehaskonttu bokte sáhtát dárbbu mielde eretgeassit diŋgojumi ieš, juos dat ii leat vel máksojuvvon. Sisačálikeahtes áššehassan dahkkojuvvon diŋgojumiid galgá alo máksit dalánaga.

Juos dárbbašat diŋgojumistat rehkega, fertet dahkat várrejumi áššehasbálvalusa bokte. Dalle diŋgojupmái lasihuvvo rehketčállinlassi. Iešbálvaleapmin ii leat vejolaš diŋgot rehkega.

Fitnodaga molssaeavttut máksimii

Diŋgojumi sáhttá máksit

neahttabáŋkkus,
máksingoarttain (Visa, Mastercard) dahje
mobiilamáksinvugiin (MobilePay, Google Pay, Apple Pay).

Diŋgojumi gánneha dahkat sisačálihan fitnodatáššehassan. Fitnodagas lea vejolaš fápmudit olbmo dikšut fitnodaga ovddas áššiid neahttabálvalusas. Áššehaskontu lea persovnnalaš.

Sisačálihan áššehassan lobit ja stohpovárremat báhcet vuorkái du áššehaskontui ja oaččot diŋgojumistat máksinliŋkka, man bokte sáhtát máksit várrejumiidat máksinmearrebeaivvi rádjái. Áššehaskonttu bokte sáhtát dárbbu mielde eretgeassit diŋgojumi ieš, juos dat ii leat vel máksojuvvon. Sisačálikeahtes áššehassan dahkkojuvvon diŋgojumiid galgá alo máksit dalánaga.

Máksojuvvon lobiid ja stohpovárremiid ii álgovurrosaččat leat vejolaš eretgeassit máksima maŋŋá. Fuomášathan, ahte dihto lobit (omd. guolleváriiddikšunmáksu) galgá alo máksit dalánaga. Máksima maŋŋá buot diŋgojumiide laktásan áššiiddikšun, dego eretgeassimat, dikšojuvvojit áššehasbálvalusa bokte.