Juvssahahttivuođačilgehus
Meahciráđđehus figgá dáhkidit neahttabálvalusa juvssahahttivuođa Lága digitála bálvalusaid fállamis 306/2019 (finlex.fi) mielde.
Dát juvssahahttivuođačilgehus guoská Eräluvat.fi-neahttabálvalussii ja Eräluvat-áppii. Guktot leat almmustahttojuvvon 19.11.2024.
Juvssahahttivuođa dilli
Eräluvat-áppa deavdá Neahttasisdoalu juvssahahttivuođarávvagiid (WCAG) 2.1 dási AA-gáibádusaid muhtin oassái ja Eräluvat.fi-neahttabálvalus masá oalát. Gáibádusaid čuovokeahttá guođđin ja/dahje gáibádusaide guoskaduvvon spiehkastagat namuhuvvojit maŋŋelis.
Ii-juvssahahtti sisdoallu Eräluvat.fi-neahttabálvalusas
Maŋŋelis namuhuvvon sisdoallu ii leat juvssahahtti čuovvovaš sivaid dihtii: Lága digitála bálvalusaid fállamis 306/2019 čuovokeahttá guođđin. Vulobealde namuhuvvon váili divvojuvvo maŋemustá 30.11.2025.
- Skovvi-elemeanttaid rávvagat: Skoviid boaluide guoski rávvagat leat báikkuid ovdanbuktojuvvon easka boaluid vulobealde. (WCAG 1.3.2)
Sisdoaluid ja fiillaid juvssahahttivuhtii laktáseaddji fuomášumit
- Filmmat: Muhtin filmmain váilu govvideaddji tulkon dahje teakstahámat vástta. Filmmat sáhttet goittotge gávnnahuvvot molssaevttolaš ovdanbuktinvuohkin siiddu tekstii. (WCAG 1.2.1)
- Pdf-skovit: Kanalintulupa-siiddu smávvafuođđuid áigodatlobi ohcanskovvi ii leat juvssahahtti (suomagillii). Skovvi lea oaivvilduvvon dušše prentejuvvot, dahjege dat devdojuvvo gieđaiguin. Elektrovnnalaš ohcamuš dan sadjái lea juvssahahtti. (WCAG 1.3.1)
- Pdf-fiillat: Kortti lupalahjalle -siiddu lihkusávaldatkoarttat eai leat juvssahahtti (suomagillii). Daid lihkusávaldat-teaksta boahtá goittotge ovdan siiddus. Maiddái vuolláičállojuvvon dihtoearremearrádusaid ii doaisttážii sáhte almmustahttit juvssahahtti hámis. (WCAG 1.3.1)
Ii-juvssahahtti sisdoallu Eräluvat-áppas
Maŋŋelis namuhuvvon sisdoallu ii leat juvssahahtti čuovvovaš sivaid dihtii: Lága digitála bálvalusaid fállamis 306/2019 čuovokeahttá guođđin. Vulobeale namuhuvvon váillit divvojuvvojit maŋemustá 30.11.2025.
Oinnolašvuohta
- Kárttá geavaheapmái laktáseaddji boaluin ii leat juohke sajis doarvái kontrásta. (WCAG 1.4.11)
Ráhkadus
- Buot kárttá geavaheapmái laktáseaddji elemeanttat eai leat merkejuvvon prográmmalaččat. (WCAG 4.1.2)
- Elemeantta dilis ii álo gaskkustuvvo diehtu ruvdolohkkái (válljejuvvon/ii válljejuvvon). (WCAG 4.1.2)
Navigeren
- Áppa ii sáhte geavahit iOS boallobevddiin. (WCAG 2.1.1, 2.4.3. 2.4.7)
- Viidodatnavigeren ii leat merkejuvvon prográmmalaččat. (WCAG 1.3.1)
Dán juvssahahttivuođačilgehusa ráhkadeapmi
Dát čilgehus lea ráhkaduvvon 11.11.2024. Originála čilgehus vuođđuduvvá olggobeale áššedovdiorganisašuvnna ollašuhttin árvvoštallamii ja dan beaiváda bálvalusaid bajásdoalli.
Čilgehus lea beaiváduvvon maŋimuš 23.7.2025.
Máhcahat ja oktavuođadieđut
Eraluvat.fi-neahttabálvalusa ja Eräluvat-áppa juvssahahttivuođas sáhttá addit máhcahaga sáddemiin šleađgapoastta čujuhussii eraluvat@metsa.fi. Juvssahahttivuođas ja máhcahaga gieđahallamis vástida Meahciráđđehusa Eräpalvelut.
Juos it gávnna dan dieđu, maid leat ohcamin, dahje it sáhte geavahit bálvalusa ii-juvssahahtti sisdoalu dihtii, mii bálvalit du eará láhkai. Dáin dáhpáhusain sáhtát váldit oktavuođa ovdalis namuhuvvon čujuhussii dahje min telefonbálvalussii nummiriin 020 69 2424. Telefonbálvalus bálvala árgabeivviid diibmu 9–15. Riŋgen máksá 0,00 euro minuhtas, man lassin áššehas máksá báikkálašfierbmemávssu dahje mátkeriŋgenmávssu.
Ollašuhttinmetoda
Juos fuomášat čuolmmaid juvssahahttivuođas, atte vuohččan máhcahaga bálvalusa bajásdoallái (oktavuođadieđut bajábealde). Vástádusain sáhttá ádjánit 14 beaivvi. Juos it leat duhtavaš vástádussii dahje it oaččo vástádusa olláge guovtti vahku siste, sáhtát addit máhcahaga johtolat- ja gulahallanvirgedoaimmahahkii.
Bearráigeahččanvirgeoapmahačča oktavuođadieđut
Johtolat- ja gulahallanvirgedoaimmahat Traficom, Digitála easttahisvuođa ja juvssahahttivuođa bearráigeahččanovttadat
www.saavutettavuusvaatimukset.fi
saavutettavuus@traficom.fi, telefonguovddáš 029 534 5000