12.12.2025
Badje-Sámi nuvttá guolástanlobiid ohcan álgá 2.1.2026
Eanodaga, Anára ja Ohcejoga gielddaid ássit sáhttet háhkat nuvttá guolástanlobiid áigodahkii 2026–2028 dalán jahkemolsuma maŋŋá ođđajagimánu 2. beaivvi rájes 2026. Ovdal mieđihuvvon lobit leat dassážii fámus. Badje-Sámi gielddaid ássiid meahccejohtaluslobiid boahttevaš jagiide sáhttá juo ohcat.
Lohpi addá rievtti bivdit stákkuin ja bivdosiin stáhta čáhceguovlluin earret luosa ja dápmoha goargŋunguovlluin. Lobiin eai leat dihtoearit, nappo lobi ožžot háliidettiineaset buot báikkálaš olbmot. Eanodaga, Anára ja Ohcejoga gielddaid ássit sáhttet ohcat nuvttá guolástanlobi stáhta čáziide ovdasadjásaččat iežaset gieldda guvlui.
Nuvttá meahccejohtaluslobiid ohcan lea juo jođus, muhto guolástanlobiid ohcan vuordá vel sámiid ruovttuguovllu guollebivddu dihtoearremearrádusa, mii almmustahtto juovlamánu áigge.
Badje-Sámi nuvttá guolástanlobi ii dárbbaš šat viežžat sierra muhtin doaibmabáikkis. Lobi sáhttá ohcat elektrovnnalaččat ođđajagimánu 2. beaivve rájes 2026 ovdasadjásaččat Eräluvat.fi-bálvalusas. Juos áššehas ii sáhte ohcat lobi elektrovnnalaččat, son sáhttá ohcat lobi riŋgemiin Eräluvat-bálvalusa bálvalannummirii 020 69 2424 (árgan diibmu 9–15). Lobi sáhttá viežžat maid Duottar-Sámi luondduguovddážis ja Anára áššehasbálvalusas.
Loga lasi gieldalaččaid guolástanrivttiin Badje-Sámis
Oza nuvttá meahccejohtaluslobi (Eanodaga, Anára ja Ohcejoga ássit)