Stággobivdoguovllut

1400 Gieldda olbmo johkalohpi stággobivdui, Eanodat

Dát siidu lea vel jorgalan láhkai. Mii almmustahttit siiddu jođánamos lági mielde.

Eanodaga gieldda olbmuid johkalohpi mieđihuvvo stággobivdui dakkár luosa ja dápmoha goargŋunguovlluin, mat gullet stáhta čáhceguovlluide Eanodaga gielddas.

Guolásteapmái eará stáhta čáziin ruovttugieldda guovllus ássit ožžot nuvttá guolástanlobi. Loga lasi Davvi-Sámi gieldda olbmuid guolástanlobiin.

Johkalohpi lea áigodatlohpi, man sáhttet oažžut buot gieldda olbmot. Lohpi lea persovnnalaš ja iešgoasttádusa sturrosaš. Haddi lea meroštallojuvvon eana- ja meahccedoalloministeriija máksinásahusas.

Kártáfiillat ja brošyrat

Guovllu vuođđodieđut

Gielda: Enontekiö
Eanangoddi: Lappi
Guolástanáigi: Guolástanáiggit molsašuddet iešguđet jogain. Áiggiid berre dárkkistit lohpeeavttuin.
Lobálaš guolástanvuogit: Bilken, dolgevuoggabivdu, oaggun, šlivgunguolásteapmi (šlivgunstákkuin)
Gáibiduvvon lobit ja mávssut: Stággolohpi, guolleváriiddikšunmáksu. Dárkkis álo čuoggá ”Maid lobiid guolásteaddji dárbbaša”.
Oaggun ja bilken: Gildojuvvon golgičáziin
Stággobivddu bistin: Áigodatlohpi
Erenomáš dán guovllus: Johkalohpi lea áigodatlohpi, man sáhttet oažžut buot gieldda olbmot.
Ráddjehusat: Dárkkis ráddjehusaid fuolalaččat lohpeeavttuin.

Áigeguovdil

Fuomášan veara dán guovllus

Eanodaga gieldalačča johkalobi sáhttá oastit Meahciráđđehusa Eräluvat-bálvalannummiris 020 69 2424 ja Duottar-Sámi luondduguovddážis.

Oahpásmuva guolledoalloguovllu guolástannjuolggadussii

Eanodaga guolledoalloguovllu guolástanráddjehusaid- ja njuolggadusaid gávnnat Eanodaga guolledoalloguovllu siidduin (enontekionkalatalousalue.fi, suomagillii).

Maid lobiid guolásteaddji dárbbaša

Johkalobi dárbu lea dan duohken, makkár čázádagas ja man galle stákkuin ja vuokkain guolástat.

Dán lohpeguovllus dárbbašat johkalobi, go guolástat vuokkain guoika- ja rávdnjeguovlluin. Dasa lassin don galggat máksit guolleváriiddikšunmávssu, earret jus leat vuollil 18-jahkásaš, badjel 70-jahkásaš dahje deavdán unnimustá 65 jagi 31.12.2023 rádjái.

Jus guolástat vuokkain dušše ovttain stákkuin ja vuokkain rávnnjehis čáziin, dego jávreviidumiin, guolleváriiddikšunmávssu máksin lea doarvái. Máŋggain stákkuin dahje vuokkain bivddedettiinat dárbbašat lassin johkalobi.

Oaggun ja bilken lea ollásit gildojuvvon goargŋunguollečázádagaid (dahjege maiddái dán lohpeguovllu) guoika- ja rávdnjeguovlluin. Rávnnjehis čáziin oaggun ja bilken lea lobálaš nuvttá ovttain stákkuin. Jus oakkut dahje bilket máŋggain stákkuin, don galggat oastit johkalobi ja máksit guolleváriiddikšunmávssu.

Dán lobi lassin gieldalaš ii dárbbaš háhkat johkaguovlluid eará stággolobiid iežas ruovttugieldda guovllus.

Lohpeguovllu čázit ja guovloráddjehusat

Eanodaga gieldalačča johkalohpi addá rievtti guolástit stággoguolástanreaidduiguin stáhta čáziid johkaguovlluin Eanodaga gieldda guovllus. Lohpái gullevaš čázádagaid PDF-kárttáid gávnnat čuoggás Kártáfiillat ja brošyrat.

Muonájogas ja Geaggáneanus johkalohpi addá vuoigatvuođa guolástit Suoma stáhta čáhceguovlluin Eanodaga gielddarájás gitta Gilbbesjávrri rádjai. Suoma ja Ruoŧa gaskasaš soahpamuša dihtii lohpi addá vuoigatvuođa bivdit dušše eará guollešlájaid go luosa ja dápmoha. Luosa ja dápmoha bivdui dárbbaša oktasašlobi Durdnosjohka-Muonájohka-Geaggáneanu 2502 (suomagillii). Oktasašlobi sáhttá oastit Eräluvat-fierbmegávppis.

Lassidieđut

Čázi liekkasvuođadili váikkuhus guolásteapmái

Čázi liekkasvuođadilli váikkuha mearkkašahtti láhkai dasa, mot luossaguolit cevzet go dat luitojuvvojit luovus. Go čázi liekkasvuođadilli lahkona +20 gráđa, luossaguliid bivdima ferte vihkkedallat vuđolaččat. Lieggasut čáziin luossaguliid bivdimis ferte garvit. Dalle gánnáha oidit šlájaid, mat girdet lieggasa buorebut, dego šuđđi, hávga ja vuskkon. Loga eambbo vásttolaš guolásteaddji rávvagiin (suomagillii).