Vuäggamlååʹpp-pääiʹǩ

1500 Kåʹddaazzi jokklååʹpp stäggkueʹllšeellmõʹšše, Aanar

Aanar kåʹddaazzi jokklååʹpp miõttât stäggkueʹllšeellmõʹšše nåkam luõzz da kuuʹǯ kaggõõttâmvuuʹdin, kook liâ valdia čääʹccvuuʹdin Aanar kååʹdd vuuʹdest.

Lååʹpp oudd vuõiggâdvuõđ šeeʹlled kueʹl še sakksääiʹmin 1. kålggmannu – 30. skamm-mannu poddân.

Jeeʹres dommkååʹdd vuuʹdest åårrai valdia čaaʹʒʒid kåʹddaassjid miõttât määuʹsteʹmes kueʹllšeeʹllemlååʹpp. Looǥǥ lââʹzz Pâʹjj-Lappi kåʹddaassji kueʹllšeeʹllemlooʹvin.

Jokklååʹpp lij pââʹjjlååʹpp, koon vuäǯǯa haaʹleen puk kåʹddaazzi. Lååʹpp lij persoonlaž da jiõččmäʹhssemhââddsaž. Hâʹdd lij meäʹrtõllum mädd- da meäʹcctäällministeria mähssasetõõzzâst.

Kartt-teâttõõzz da čuäʹjtõsǩeerja

Vuuʹd vuâđđteâđ

Kåʹdd: Inari
Mäddkåʹdd: Lappi
Kueʹllšeeʹllempodd: Kueʹllšeeʹllemääiʹj vaajtâʹlle jeeʹres jooǥǥin. Ääiʹj aʹlǧǧe taʹrǩǩeed Aanar kueʹllšeeʹllemvuuʹd kueʹllšeeʹllemvuâkkõõzzâst (lååʹppmääin).
Seännum kueʹllšeeʹllemnääʹl: Čõckklemkueʹllšeellmõš (vuäggmõš), kaʹlddjest vuäggmõš, poʒʒvuõgginšeellmõš, vuäggmõš
Taarbšem lååʹv da määus: Vuäggamlååʹpp, kueʹllšeeʹllemhåiddmähss. Tääʹrǩest pâi pääiʹǩ ”Måkam lååʹvid kueʹllšiiʹlli taarbâš”.
Vuäggmõš da vääđõõttmõš: Ǩiõlddum veʹrddčaaʹʒʒin
Vuäggamlååʹv pešttmõš: Pââʹjjlååʹpp
Jeäʹrab tän vuuʹdest: Jokklååʹpp lij pââʹjjlååʹpp, koon vuäǯǯa haaʹleen puk kåʹddaazzi.
Rääʹjtõõzz: Tääʹrǩest rääjtõõzzid tärkka lååʹppmääinain.

Ääiʹjpoddsaž

Vuâmmaš tän vuuʹdest

Aanar kååddlai jokklooʹvid vuäitt vuäʹstted Meäʹcchalltõõzz Skååtrdemlooʹvi kääzzkõsnââmrest 020 69 2424 (arggan 9–15) da Pâʹjj-Lappi luâttkõõskõs Siidâst .

Tobdstõõđ kueʹlltäällvuuʹd kueʹllšeeʹllem-meärrõʹsse

Aanar kueʹlltäällvuuʹd kueʹllšeeʹllem-meärrõõzz kaaunak Aanar kueʹlltäällvuuʹd seeidain (inarinkalatalousalue.fi, lääddas).

Måkam lååʹvid kueʹllšiiʹlli taarbâš

Jokklååʹv tarbb lij ǩidd tõʹst, muʹvddem čäʹccõõzzin da kââʹllin vuõggmuõrin da vuõggin šeelak kueʹl.

Täin lååʹppvuuʹdin taarbšak jokklååʹv, ǥu šeelak kueʹl vuõggin kuõškk- da veʹrdd vuuʹdin. Lââʹssen âlgg mäʹhssed kueʹllšeeʹllemhåiddmähss krååʹma jõs leäk vuâlla 18-ekksaž, pâʹjjel 70-ekksaž leʹbe teâuddam uuʹccmõsân 65 eeʹǩǩed 31.12.2023 mõõneeʹst.

Jõs šeelak vuõggin pâi õõutin vuõggmuõrin da vuõggin veeʹrdteʹmes čaaʹʒʒin, mâʹt-a jäuʹrrveiddnummšin, kueʹllšeeʹllemhåiddmääus mähssmõš riʹttai. Määŋgin vuõggmuõrin da vuõggin šeeʹllmen taarbšak lââʹssen jokklååʹv.

Kaʹlddjest vuäggmõš da jooǥǥâst lij vooʹps ǩiõlddum jooʹttikueʹllčäʹccõõzzi (leʹbe še tän lååʹppvuuʹd) kuõškk- da veʹrddvuuʹdin. Veeʹrdteʹmes čaaʹʒʒin kaʹlddjest vuäggmõš da jooǥǥâst vuäggmõš lij seännum määustää õõutin vuõggin. Jõs vuäggak kaʹlddjest leʹbe jooǥǥâst määŋgin vuõggin, âlgg tuu vuäʹstted jokklååʹpp da mäʹhssed kueʹllšeeʹllemhåiddmähss.

Tän lååʹv lââʹssen kåʹddaassi ij taarbaš haʹŋǩǩeed jeeʹres jokkvuuʹdi vuäggamlooʹvid jiijjâs dommkååʹdd vuuʹdest.

Lååʹppvoudda kuulli čääʹcc da vuʹvddrääʹjtõõzz

Aanar kåʹddaassi jokklååʹpp oudd vuõiggâdvuõđ šeeʹlled kueʹll vuõggin valdia čaaʹʒʒid kuulli jokkvuuʹdin Aanar kååʹdd vuuʹdest. PDF-kaart låppa kuulli čäʹccõõzzin kaaunak pääiʹǩest Kartt-teâttõõzzin da čuäʹjtõsǩeerja.

Čääʹʒʒin, koin kueʹllšeellmõš ij leäkku kueʹlltäällvuuʹd leʹbe jeeʹres lääʹjjšeâttmõõžžin rääʹjtum, lij kueʹllšeellmõš seännum suʹddčääʹcc poddân loʹǩǩe vääʹldǩâni luõss da kuʹvǯǯkueʹl, kook liâ rääuhtõttum 1.9.–30.11.
Vueiʹtlvaž Njauddâmjooǥǥ luõss-šeeʹllemǩiõld taʹrǩǩee mâʹŋŋlubust.
Lååʹpp oudd vuõiggâdvuõđ šeeʹlled kueʹl še sakksääiʹmin 1.10.–30.11.

Kueʹllšeellmõõžžâst âlgg jääʹǩǩted puõʹtti rääʹjtõs- da rääuhtõstuʹmmstõõǥǥid:

Aanar kueʹllšeeʹllemvuuʹd kueʹllšeeʹllemvuâkkõs (inarinkalatalousalue.fi, lääddas)

Jokklååʹv pirrõʹsse kuulteʹmes čääʹccvuuʹd

Lååʹpp ij uuʹd vuõiggâdvuõđ šeeʹlled kueʹl vuuʹd privattčääʹʒʒin. Lââʹssen lååʹpp ij uuʹd vuõiggâdvuõđ šeeʹlled kueʹll Aanar- da Kietsimäjooǥǥâst.
Lååʹpp ij uuʹd vuõiggâdvuõđ šeeʹllemneävvkueʹllšeellmõʹšše.

Lââʹssteâđ

Čääʹcc paakkâsvuõđ vaikktõs kueʹllšeellmõʹšše

Čääʹʒʒ paakkâsvuõtt vaikkat miârkkteeʹjen luõsskueʹli seʹlvvnummša pååđailuâšttmõõžžâst. Čääʹʒʒ paakkâsvuõđ ouddneʹmmen +20 ceäkkaz luõsskueʹlid âlgg šeeʹlled tuʹmmjeeʹl. Tän pakksab čaaʹʒʒin luõsskueʹli šeellmõš âlgg vieʹltted. Tâʹl kannat siâssâd paakkâsvuõđ pueʹrben ǩiõrddi šlaajid, mâʹt-a kuuhh, nuʹǩǩeš da vuâskkan. Looǥǥ lââʹzz vaʹstteemnallšem kueʹllšiiʹlli vuäʹppsin (lääddas).