24.3.2026
Päiʹǩǩ-kååddlai jokklååʹv puäʹtte kaaupšemnalla 24. pâʹsslašttâm-mannu
Päiʹǩǩ-kååddaž vuäitt juätkast haʹŋǩǩeed jokkšeeʹllemlååʹv Eräluvat.fi -kääzzkõõzzâst. Ääiʹjben Jeänõõǥǥ, Uʹccjooǥǥ da Aanar kååddlai jokklååʹvid feʹrttji tiʹllʼjed kääzzkâʹsttemnââmrest leʹbe kääzzkâʹsttempääiʹǩest.
Jokklååʹpp oudd vuõiggâdvuõđ vuõggšeellmõʹšše tõin valdia čääʹccvuuʹdin, kook liâ luõzz da kuuʹǯ kaggõõttâmvuuʹd. Lååʹpp mähss tiuddâkksaid 40 euʹrred, da tõn vuäitt haʹŋǩǩeed pâi jiijjâs dommkådda luõzz da kuuʹǯ kaggõõttâmvuuʹdid.
Lååʹv vuäitt haʹŋǩǩeed 24. pâʹsslašttâm-mannust ääʹljeen Eräluvat.fi-kääzzkõõzzâst. Jõs kueʹllšiiʹllʼjest ij leäkku vueiʹtlvažvuõtt haʹŋǩǩeed lååʹv digitaalʼlânji, son vuäitt soiʹttjed Erälååʹvi kääzzkâʹsttemnaamra 020 69 2424, kook kääzzkâstt arggan čiâss 9–15. Mââimõõzzâst lååʹv vuäitt haʹŋǩǩeed Tuõddâr-Lappi luâttkõõskõõzzâst leʹbe Aanar kääzzkâʹsttempääiʹǩest.
Vuâlla 18 -ekksai jokklååʹpp lij määusteʹmes, da tõn vuäitt haʹŋǩǩeed kääzzkâʹsttemnââmrest leʹbe kääzzkâʹsttempääiʹǩest.
Njauddâmrekistersiid vuuʹdest aassji lååʹv Njauddâmjoʹǩǩe de sääʹmlääʹjj meâldlaž kueʹllšeeʹllemlååʹv äʹlǧǧe haʹŋǩǩeed kääzzkâʹsttemnââmrest 020692424 12.5.2026 ääʹljeen.
Luõss-šeeʹllem määinaid čiõlǥte ǩiiđpoodd
Kååddlai jokklooʹvi määinaid čiõlǥte veâl mâʹŋŋlubust. Ååʹn ij leäkku veâl teâđast, što jäʹrjstââvv-a pääiklaž luõss-šeellmõš Teänjooǥǥ čårrčaaʹʒʒin. Njauddâmjooǥǥ čääʹʒʒvuuʹdin luõzz šeellmõš kåʹddaassi jokklooʹvin lij puõʹtti pââʹjest ǩiõlddum.
Valdiasuåvtõõzz tuʹmmstõk luõss-šeellmõõžžâst Teänjooǥǥ čårrčaaʹʒʒi vueʹzzest vâjja vuäǯǯad loppǩiiđ leʹbe mââimõssân alggǩieʹzz poddân.