Kåʹddaassi kueʹllšeeʹllemvuõiggâdvuõđ Pâʹjj-Lappist

Jeänõõǥǥ, Aanar da Uccjooǥǥ kåʹddaassjid kueʹllšeellmõš valdia čaaʹʒʒin lij vueiʹvv-vueʹzzest määuʹsteʹm. Čoʹrstõõǥǥ tuejjee luõzz da kuuʹǯ kaggõõttâmvuuʹd, koid kåʹddaazzi vueiʹtte haʹŋǩǩeed jiõččmäʹhssemhââddsaž pââʹjjlååʹv.

Pâʹjj-Lappi kåʹddaassji kueʹllšeeʹllemvuõiggâdvuõđin šiõtteed kalastuslaissa (finlex.fi).

Määusteʹmes kueʹllšeeʹllemlååʹpp

Jeänõõǥǥ, Aanar da Uʹccjooǥǥ kåʹddaassi vueiʹtte haʹŋǩǩeed määusteʹmes kueʹllšeeʹllemlååʹv koolm tâʹvvjummus kååʹdd voudda, vuõss-sââʹjest jiijjâs dommkådda. Lååʹpp oudd vuõiggâdvuõđ vuõgg- da šiilneävvšeellmõʹšše valdia čääʹccvuuʹdin luõzz da kuuʹǯ kaggõõttâmvuuʹdid lokku vääʹldǩâni. Looʹvid jeäʹla rajjum meäʹrtuʹmmstõõǥǥ, de looʹvid vuäǯǯa  haaʹleʹmmen puk pääiklaž aassi.

Lååʹpp lij viõǥǥâst kolmm eeʹjj. Ooccmõš eeʹjjid 2026-2028 älgg 2.1.2026. Ääiʹjben miõttum lååʹv liâ viõǥǥâst tõn räjja.

Lååʹppooccmõõžž vuäitt kueʹđđed liâđǥlânji, tâʹl kååddlažvuõđ täʹrǩste Suomi.fi- tobddõõttâm pääiʹǩ. Ooccmõʹšše taarbšak puõʹtti teâđaid: persontobdldõk, ouddnõmm, sooǥǥnõmm, dommkåʹdd da âʹlddaddrõs. Vuäinak täid teâđaid ooccmõõžž kueʹđđmen, ǥu tobddõõđak Suomi.fi-kääzzkõʹsse. Jõs teâđ jiâ kaunnu leʹbe liâ puästtad, koʹrjjed teâđaid Suomi.fi: pääiʹǩ.

Jõs jiõk pââʹst tobddõõttâd Suomi-fi -kääzzkõõzz pääiʹǩ, vuäitak kueʹđđed lååʹppooccmõõžž soiʹttjeeʹl Eräluvat -ääʹššlažkääzzkõʹsse leʹbe pääiʹǩ âʹlnn Aanar ääʹššlažkääzzkõspääiʹǩest leʹbe Jeänõõǥǥâst Tuõddâr-Lappi luâttkõõskõõzzâst. Jos haaʹlääk ooccâd lååʹv vueʹllâkksaž peäʹlest, vuäitak raajjâd tõn pâi ääʹššlažkääzzkõõzz pääiʹǩ. Muuʹšt väʹldded persoonvuõtt-tuõđštõõzz mieʹldd kååddlažvuõđ täʹrǩstem diõtt.

Pââʹjjlååʹpp luõzz da kuuʹǯ kaggõõttâmvuuʹdid

Jeänõõǥǥ, Aanar da Uccjooǥǥ kåʹddaazzi vueiʹtte haʹŋǩǩeed dommkååʹddes võudda jiõččmäʹhssemhââddsa pââʹjjlååʹv, nuʹt koččum kåʹddaazzi jokklååʹv. Lååʹpp oudd vuõiggâdvuõđ vuõggkueʹllšeellmõʹšše tõin valdia čääʹccvuuʹdin, kook liâ luõzz leʹbe kuuʹǯ kaggõõttâmvuuʹd.

Pââʹjjlååʹv hâʹdd lij 40 eeuʹr / pââʹjj. Hâʹdd lij meäʹrtõllum mädd- da meäʹcctäällministeria mähssasetõõzzâst.  Vuâlla 18-ekksa pââʹjjlååʹpp lij määuʹsteʹm. Lååʹv jeäʹla mieʹrrõsttum, nuʹt säärneeʹl lååʹv vuäǯǯa haaʹleen puk pääikla.

Pââʹjjlååʹpp âlgg vuäʹstted vuõss-sââʹjest Eräluvat-kääzzkõsnââmrest 020 69 2424. Lååʹv vuäitt še vuäʹstted Meäʹcchalltõõzz äʹššneǩ-kääzzkõspääiʹǩest (Aanrest) de Tuõddâr-Lappi luâttkõõskõõzzâst.

Tobdstõõđ paaiʹǩid da lååʹppmääinaid tääʹrǩben lååʹppvuuʹdi päiʹǩǩseeidain.