Jeänõõǥǥ, Aanar da Uccjooǥǥ kåʹddaassjid kueʹllšeellmõš valdia čaaʹʒʒin lij vueiʹvv-vueʹzzest määuʹsteʹm. Čoʹrstõõǥǥ tuejjee luõzz da kuuʹǯ kaggõõttâmvuuʹd, koid kåʹddaazzi vueiʹtte haʹŋǩǩeed jiõččmäʹhssemhââddsaž pââʹjjlååʹv.
Pâʹjj-Lappi kåʹddaassji kueʹllšeeʹllemvuõiggâdvuõđin šiõtteed kalastuslaissa (finlex.fi).
Jeänõõǥǥ, Aanar da Uʹccjooǥǥ kåʹddaassi vueiʹtte haʹŋǩǩeed määusteʹmes kueʹllšeeʹllemlååʹv koolm tâʹvvjummus kååʹdd voudda, vuõss-sââʹjest jiijjâs dommkådda. Lååʹpp oudd vuõiggâdvuõđ vuõgg- da šiilneävvšeellmõʹšše valdia čääʹccvuuʹdin luõzz da kuuʹǯ kaggõõttâmvuuʹdid lokku vääʹldǩâni. Looʹvid jeäʹla rajjum meäʹrtuʹmmstõõǥǥ, de looʹvid vuäǯǯa haaʹleʹmmen puk pääiklaž aassi.
Lååʹpp lij viõǥǥâst kolmm eeʹjj. Ooccmõš eeʹjjid 2026-2028 älgg 2.1.2026. Ääiʹjben miõttum lååʹv liâ viõǥǥâst tõn räjja.
Lååʹppooccmõõžž vuäitt kueʹđđed liâđǥlânji, tâʹl kååddlažvuõđ täʹrǩste Suomi.fi- tobddõõttâm pääiʹǩ. Ooccmõʹšše taarbšak puõʹtti teâđaid: persontobdldõk, ouddnõmm, sooǥǥnõmm, dommkåʹdd da âʹlddaddrõs. Vuäinak täid teâđaid ooccmõõžž kueʹđđmen, ǥu tobddõõđak Suomi.fi-kääzzkõʹsse. Jõs teâđ jiâ kaunnu leʹbe liâ puästtad, koʹrjjed teâđaid Suomi.fi: pääiʹǩ.
Jõs jiõk pââʹst tobddõõttâd Suomi-fi -kääzzkõõzz pääiʹǩ, vuäitak kueʹđđed lååʹppooccmõõžž soiʹttjeeʹl Eräluvat-ääʹššlažkääzzkõʹsse leʹbe pääiʹǩ âʹlnn Aanar ääʹššlažkääzzkõspääiʹǩest leʹbe Jeänõõǥǥâst Tuõddâr-Lappi luâttkõõskõõzzâst. Jos haaʹlääk ooccâd lååʹv vueʹllâkksaž peäʹlest, vuäitak raajjâd tõn pâi ääʹššlažkääzzkõõzz pääiʹǩ. Muuʹšt väʹldded persoonvuõtt-tuõđštõõzz mieʹldd kååddlažvuõđ täʹrǩstem diõtt.
Jeänõõǥǥ, Aanar da Uʹccjooǥǥ kåʹddaassi vueiʹtte haʹŋǩǩeed määusteʹmes kueʹllšeeʹllemlååʹv. Lååʹpp oudd vuõiggâdvuõđ vuõgg- da šiilneävvšeellmõʹšše valdia čääʹccvuuʹdin luõzz da kuuʹǯ kaggõõttâmvuuʹdid lokku vääʹldǩâni. Looʹvid vuäǯǯa haaʹleʹmmen puk pääiklaž aassi.
Jeänõõǥǥ, Aanar da Uccjooǥǥ kåʹddaazzi vueiʹtte haʹŋǩǩeed dommkååʹddes võudda jiõččmäʹhssemhââddsa pââʹjjlååʹv, nuʹt koččum kåʹddaazzi jokklååʹv. Lååʹpp oudd vuõiggâdvuõđ vuõggkueʹllšeellmõʹšše tõin valdia čääʹccvuuʹdin, kook liâ luõzz leʹbe kuuʹǯ kaggõõttâmvuuʹd. Lååʹv jeäʹla mieʹrrõsttum, nuʹt säärneeʹl lååʹv vuäǯǯa haaʹleen puk pääikla.
Kaaupšummuš puõʹtti pâjja älgg 24.3.2026. Pââʹjjlååʹv hâʹdd lij 40 eeuʹr / pââʹjj. Hâʹdd lij meäʹrtõllum mädd- da meäʹcctäällministeria mähssasetõõzzâst. Vuâlla 18-ekksa pââʹjjlååʹpp lij määuʹsteʹm.
Pââʹjjlååʹv vuäitt låʹnsted liâđǥlânji, tâʹl kååddlažvuõđ täʹrǩste Suomi.fi tobddõõttâm pääiʹǩ (ouddm. neʹttbaŋkktobdldõõǥǥin leʹbe mobiilraʹvvjummšin]. Vuästtmõʹšše taarbaš puõʹtti teâđaid: persontobdldõk, ouddnõmm, sooǥǥnõmm, dommkåʹdd da âʹlddaddrõs. Vuäinak täid teâđaid lååʹv vuäʹsttem õhttvuõđâst, ǥu tobddõõđak Suomi.fi -kääzzkõʹsse. Jõs teâđ jeäʹla leʹbe liâ puästtad, raaj koʹrjjummuš Suomi.fi pääiʹǩest.
Jõs jiõk pââʹst tobddõõttâd Suomi.fi -kääzzkõõzz pääiʹǩ, vuäitak låʹnsted lååʹv soiʹttjeeʹl Eräluvat-ääʹššlažkääzzkõʹsse leʹbe mõõnnâd pääiʹǩ ool Aanar ääʹššlažkääzzkâʹsttempäikka leʹbe Jeänõõǥǥâst Tuõddâr-Lappi luâttkõõskõʹsse. Jõs haaʹlääk låʹnsted lååʹv vueʹllâkksaž peäʹlest, vuäitak raajjâd tõn ääʹššlažkääzzkõõzz pääiʹǩ. Muuʹšt väʹldded identiteeʹtt-tuõđštõs mieʹldd kååddlažvuõđ täʹrǩstem diõtt.
Tobdstõõđ paaiʹǩid da lååʹppmääinaid tääʹrǩben lååʹppvuuʹdi päiʹǩǩseeidain.
Nuõrttsääʹmvuuʹdest aassji nuõrttsäʹmmlain lij vuõiggâdvuõtt harjjted kueʹllšeellmõõžž määustää nuõrttsääʹmvuuʹd čaaʹʒʒin. Nuõrttsääʹmvoudda koʹlle Čeʹvetjääuʹr- Njauddâm da Keväjääuʹr sijddvuuʹd Aanarkååʹddest.
Njauddâmjooǥǥâst kueʹllšeeʹllmen âʹlǧǧe Njauddâmjooǥǥ rekistersiidâst aassi nuõrttsäʹmmlaž kuuitâǥ ooccâd määusteʹmes kueʹllšeeʹllemlååʹpp Meäʹcchalltõõzzâst Njauddâmjooǥǥ suåppmõõžž meâldlânji. Håʹt muđoi nuõrttsääʹmvuuʹdest jälsteei nuõrttsäʹmmlaž ij taarbaš lååʹv kueʹllšeellmõʹšše jiijjâs vuuʹdest, siâzztâʹlle siʹjjid ooccâd määusteʹmes lååʹv kueʹllšeellmõʹšše Meäʹcchalltõõzz valvvâmvueʹjji hiâlptummšen.
Nuõrttsääʹmvuuʹd kueʹllčaaʹʒʒi âânnmõõžžâst da håiddmõõžžâst Meäʹcchalltõs rääjj čââvas õhttsažtuâj Sääʹmsiidsåbbar, Aanar kååʹdd, Luâttreeʹǧǧesvuõttkõõskõõzzin da Jieʹllemviõkk-kõõskõõzzin.
Njauddâmjooǥǥ rekistersiid da Nuõrttsääʹmvuuʹd looʹvid âʹlǧǧe haʹŋǩǩeed Eräluvat-ääʹššlažkääzzkõõzz pääiʹǩ.
Teʹlfonsaaǥǥ hâʹdd 0,00€/min + psm/mtm. Ǩirrsaž tiʹllʼjõõzz pâi teʹlfoonin.
Inarintie 46
99870 Aanar
Ǩiõčč lââʹssteâđaid da äävaiåårramaaiʹjidJarmo Huhtamella
