Bievlaáigge meahccejohtaluslohpi Eanodaga, Anára dehe Ohcejoga báikegotti olbmuide
Eanodaga, Anára ja Ohcejoga gieldda olbmot sáhttet ohcat Meahciráđđehusas ruovttugielddas stáhta eatnamiidda, stáđásmuvvan meahcceluottaide. Meahccejohtolatlobi lea vejolaš ohcat elektrovnnalaččat mielčuovvu skoviin. Lobi ohcan gáibida nana Suomi.fi-dovdáma neahttabáŋkodovddaldagain dahje mobiilasihkkarastimiin.
Lobit leat guorahallama vuollásaččat ja vuođđuduvvet álo ákkastallon dárbui. Dákkáraš dárbbut sáhttet leat ovdamearkan guollebivdu, muorjesállaša dahje duodjemateriálaid fievrrideapmi ja eará luonddu ávkkástallan.
Álbmot- ja luonddumehciide eai álgovurrosaččat mieđit bievlla áigge meahccejohtolatlobiid. Lobi lea vejolaš goittotge spiehkastatdáhpáhusain mieđihit, jos juoga čuovvovaš eavttuin dievvá:
Luondduealáhusaid hárjeheapmi
Johtin iežas čáhceguvlui guollebivdinulbmilis; almmut ohcamuššii dálu registtarnummira
Losádusrievttis spiehkkasan giddodahkii johtimii, jos dat lea ákkastallon luonddusuodjaleami geažil; almmut ohcamuššii dálu registtarnummira
Eará ákkastallon dárbu.
Dát spiehkastagat sáhttet guoskkahit Geavu luonddumeahci lassin maiddái eará luonddusuodjalanguovlluid, jos eavttut divvet.
Anára gieldda olbmuin, geat ásset fásta Njávdáma registtargilis. lea vejolašvuohta ohcat ákkastallon dárbbu mielde meahccejohtolatlobi ohcanskovis ovdanbukton guovllu meahcceluottaide.
Lobit mieđihuvvojit dušše fásta anus lean meahcceluottaide stáhta eatnamiin. Lobit mieđihuvvojit álgovurrosaččat ruovttugieldda lagašluottaide ja ákkastallon sivaid vuođul maiddái luottaide mat leat guhkkeleappos. Luoddakárttaid lea vejolaš oaidnit lohpeohcamuša oktavuođas Eraluvat.fi-bálvalusas ja divššodettiin áššiid Meahciráđđehusa áššehasbálvalanbáikkis Duottar-Lappi luondduguovddážis Heahtás ja Anára girkosiiddas daid rabasáiggiin.
Lohpemearrádus vuoddji ruovttugildii lea álo nuvttá.
Válddathan álo vuhtii luonddus lihkadettiin luondduárvvuid bealis hearkkes guovlluid (suomagillii).
Lassedieđut: Meahciráđđehus, maastoliikenneluvat@metsa.fi