Eräluvat.fi-bálvalus lea almmustahtton davvisámegillii, nuortalašgillii ja anárašgillii

Sámegielaiguin sáhtát skáhppot muhtun lobiid, dego gieldda olbmo nuvttá guolástanlobi, meahccejohtaluslobi dahje gieldda olbmo mávssuvuollásaš johkaguovlluid guolástanlobiid.

Eräluvat áššehasbálvalusas bokte skáhppojuvvojit ain ovdamearkan Njávdáma registtargili ja nuortalašguovllu lobit.

Luontoon-bálvalussii almmustahttojuvvojit nuortalašgielat siiddut

Luontoon-bálvalusa nuortalašgielat siidduide almmustahtte 15.10.2026 čuozáhatgovvádusaid nuortalašgiela giellaguovllu guovddáš luonddus ja vánddardančuozáhagain. Mihttomearrin lea fállát ain gokčevaččabut dieđuid nuortalaččaid ruovttuguovllu vánddardančuozáhagain ja luonddus nuortalašgillii. Luontoon-bálvalus ovddiduvvo olles áigge, ja maiddái nuortalašgielat sisdoallu dievasmuvva ja viidu muttuid mielde.

Metsa.fi neahttabálvalusas leat sámegielaiguin sulaid moaddečuođi siiddu – suomagillii leat sulaid 550 siiddu, ja measta buot fáttáin leat sisdoalut davvisámegillii, vaikke davvisámegielat giellaveršuvdna leage gáržžit go suomagielat veršuvdna. Sisdoalut leat deattuhuvvon oppalaš dieđuide Meahciráđđehusa doaimmas ja organisašuvnnas, Davvi-Sámi áššiide ja áigeguovdilis gulahallamii.

Dán lassin Metsa.fis leat dieđáhusat vuogálaš fáttáin. Dán jagi leat jorgalan sulaid 30 dieđáhusa davvisámegillii, ja máŋggat dieđáhusain gusket Davvi-Sámi áššiid.

Dálá Metsa.fi lea almmustahtton jagi 2020 ja sámegielat siiddut dahkkojuvvojedje dalle seammás. Maiddái ovddit Metsa.fi veršuvnnas lei davvisámegielat giellaveršuvdna, muhto dáláža gáržžit.