Muõttǥâʹttem poodd luâttvuejjamlååʹpp Jeänõõǥǥ, Aanar leʹbe Uccjooǥǥ päiʹǩǩ-kåʹddnekka
Jeänõõǥǥ, Aanar da Uʹccjooǥǥ kååddlaž vueiʹtte ooccâd Meäʹcchalltõõzzâst muõttǥâʹttem poodd luâttvuejjamlååʹv dommkådda valdia määddaid, äʹrbbvuõđlaž luâttǩeäinaid. Luâttvuejjamlååʹv vuäitt ooccâd liâđǥlaž lomaakkin. Lååʹv ooccmõš õõlǥât ravvõs Suomi.fi tobddõõttmõõžž neʹttbaŋkktobdldõõǥǥin leʹbe mobiilraʹvvjummšin.
Lååʹv liâ tuʹmmjemvuâllsaž da vuâđđee pâi vuâđđõttum taʹrbbe. Näkam taarb vueiʹtte leeʹd ouddmiârkkân kueʹllšeellmõš, mueʹrji- leʹbe ǩiõtt-tuâjjaunnsi jååđtem de jeeʹres luâđ äuʹǩǩeem diõtt.
Meermeäʹcc- da luâttmuõrrkarddsid jiâ vuõss-sâjjsânji miõđ muõttǥâʹttem poodd luâttvuejjamlooʹvid. Lååʹv vueiʹtte kuuitâǥ miõttâd jeäʹrbužvueʹjjest, jõs mii-ne puõʹtti määinain teâuddai:
Luâttjieʹllemvueʹjji haʹrjjtâttmõš
Jååttmõš jiijjâs tääll čääʹccvoudda kueʹllšeeʹllem õõlǥtõõzzâst; iʹlmmet ooccmõõžžâst tääll rekisternââmar
Jååʹttemvuõiggâdvuõđin järrneei ǩiiddõʹsse jååttmõʹšše, jõs tõt lij luâttsuejjeem diõtt vuâđđtõllum; iʹlmmet ooccmõʹšše tääll rekisternââmar
Jeeʹres vuäđđtõllum tarbb
Täk järrnummuž vueiʹtte kuõskkâd Kevo luâttmuõrrkaardâz lââʹssen še jeeʹres luâttsuejjeemvuuʹdid, jõs oudldõõzz teâuddje.
Njauddâm rekistersiidâst põõššinalla jeäʹlsteei Aanar kååddlaž vueiʹtte ooccâd luâttvuejjamlååʹv vuâđđõttum taʹrbbe ooccâmlomaakkâst čuäʹjtum kõõččmest åårrai luâttǩeäinaid.
Looʹvid meâʹtte pâi äʹrbbvuõđlaž âânnmõõžžâst åårrai valdia määddain sâʹjjeei luâttǩeäinaid. Looʹvid meâʹtte vuõss-sââʹjest dommsiid õõldâsǩeäinaid da vuâđđõttum määiʹnest še kuuʹǩǩben sâʹjjeei ǩeäinaid. Ǩeäinnkaart liâ vueiʹnnemnalla lååʹppooccâm õhttvuõđâst Eräluvat.fi -kääzzkõõzzâst da äʹššõõttmen Meäʹcchalltõõzz ääʹššlažkääzzkâʹsttempääiʹǩest Tuõddâr-Lappi luâttkõõskõõzzâst Hettast da Aanrest tõi äävai åårram poodd.
Lååʹpptuʹmmstõk jååʹđteei dommkådda lij pâi määuʹsteʹmes.
Vääʹld pâi vuâmmša luâđast liikkeʹmmen luâttäärvest rââʹžžes vuuʹdid .
Lââʹssteâđ: Meäʹcchalltõs, maastoliikenneluvat@metsa.fi