Eräluvat.fi-kääzzkõs lij čõõđtum tâʹvvsäämas, nuõrttsäämas da aanarsäämas

Sääʹmǩiõlin vuäitt haʹŋǩǩeed måttmid looʹvid, mâʹt-a kåʹddaassi määuʹsteʹmes kueʹllšeeʹllemlååʹv, luâđastvuejjamlååʹv leʹbe kåʹddaassi määuslaž jokkvuuʹdi kueʹllšeeʹllemlååʹv.

Erälupa- ääʹššlažkääzzkõõzz pääiʹǩ âlgg haʹŋǩǩeed ooudâs ouddmiârkkân Njauddâm rekistersiid da sääʹmvuuʹd lååʹv.

Luõttu-kääzzkõʹsse čõõđte sääʹmǩiõllsaž seeidaid

Luõttu-kääzzkõõzz sääʹmǩiõllsaž seeidaid čõõđte 15.10.2026 päiʹǩǩ-kovvõõzzid nuõrttsääʹm ǩiõllvuuʹd kõskksaž luâtt- da luâttreisspaaiʹǩin. Täävtõssân lij taʹrjjeed veâl veiddsubun teâđ nuõrttsäʹmmlai dommvuuʹd luâttreisspaaiʹǩin da luâđast nuõrttsääʹmǩiõlin. Luõttu-kääzzkõõzz oouʹdee õõudâs, da še nuõrttsääʹmǩiõllsaž siiskâž teâuddai da veiddnââvv mäʹtt määʹttest.

Metsa.fi -neʹttkääzzkõõzzâst sääʹmǩiõlin liâ nuʹtt kueʹhttčueʹđ seiddad – lääddas nuʹtt 550 seiddad, da miâlggâd pukin aaʹššin liâ siiʹsǩe tâʹvvsäämas, håʹt tâʹvvsääʹmǩiõll vaajtõsmääin liâ tuäppjab ǥu lääʹddǩiõll vaajtõsmäinn. Siiʹsǩe teäddjâʹvve takaitiõttu Meäʹcchalltõõzz tåimmʼmõõžžâst da organisaatiast. Pâʹjj-Lappi aaʹššid de ääiʹjpoddsažsaakkummša. 

Tän lââʹssen Metsa.fi -kääzzkõõzzâst liâ teâđtõõzz suåvlaž aaʹššin. Tän eeʹjj tän räjja liâ jåårǥlõttum nuʹtt 30 teâđtõõzz tâʹvvsäämas, da määŋg teâđtõõzzin kueʹsǩǩe Pâʹjj-Lappi aaʹššid.

Ânnʼjõž Metsa.fi kääzzkõs lij čõõđtum eeʹǩǩen 2020 da sääʹmǩiõllsaž seeidaid raʹjje tâʹl seämma ääiʹj. Oouʹdab Metsa.fi -kääzzkõõzzâst še leʹjje tâʹvvsääʹmǩiõll vaajtõsmääin, leša ânnʼjõž tuäbbjubun.