Muottuuttes ääigi meccijotolâhlope Iänuduv, Aanaar já Ucjuv päikkikodálii ässee várás
Iänuduv, Aanaar já Ucjuv kieldâässeeh pyehtih uuccâđ Meccihaldâttâsâst muottuuttes ääigi meccijotolâhlove päikkikieldâs staatâ enâmáid, stáđásmâm meccikiäinoid. Meccijotolâhlove puáhtá uuccâđ šleđgâhámásávt ooleest leijee luámáttuvváin. Love uuccâm váátá noonâ Suomi.fi-tubdâttâttâm viermipaŋkkitubdâlduvâiguin tâi moobilnanodâssáin.
Loveh láá kuorâttâllâmmiäldásiih já vuáđuduveh ain vuáđustâllum táárbun. Tágáreh táárbuh pyehtih leđe ovdâmerkkân kuálástem, myerjisaallâs tâi tyejimaterialij jođettem sehe luándu nubelágán ávhástâllâm.
Aalmuglâš- já luándumeccijd iä váldunjuolgâduslávt mieđettuu muottuuttes ääigi meccijotolâhloveh. Love puáhtá kuittâg mieđettiđ spiehâstâhtiileest, jis miinii čuávuváin iävtuin tiävá:
Luánduiäláttâsâi hárjuttem
Jotteem jieijâs táálu čäcivijđodâhân kuálástem tiet; almoot ucâmušân táálu registernummeer.
Losádâsvuoigâdvuođâst spiehâsteijee kiddodâhân jotteem várás, jis tot lii luándusuojâlem uáinust vuáđustâllum; almoot ucâmušân táálu registernummeer
Eres vuáđustâllum tárbu.
Taah spiehâstuvah pyehtih kuoskâđ Kiävu luándumeeci lasseen meid eres luándusuojâlemkuávloid, jis iävtuh tievih.
Njiävđám registersiijdâst fastâ ässee Aanaar kieldâässeeh pyehtih uuccâđ meccijotolâhlove vuáđustâllum táárbu várás ucâmušluámáttuvâst oovdânpuohtum koččâmušâst leijee kuávlust meccikiäinoid.
Loveh mieđettuvvojeh tuše fastâ kiävtust leijee meccikiäinoid, moh láá sajadum staatâ enâmáid. Loveh mieđettuvvojeh váldunjuolgâduslávt päikkisiijdâ aldakiäinoid já vuáđustâllum suujâ keežild meid olgoláá sajadum kiäinoid. Kiäinukáártáh láá uáinimnáál lopeucâmuš ohtâvuođâst Eraluvat.fi-palvâlusâst já ášástâldijn Meccihaldâttâs äššigâspalvâlemčuággást Tuodâr-Laapi luándukuávdáást Hettaast já Aanaar markkânist toi áávusorroomääigi.
Lopemiärádâs vyeijee päikkikieldân lii ain mávsuttem.
Vääldi ain huámášumán meecist jođedijnâd luánduárvuidis peeleest herkis kuávluid.
Lasetiäđuh: Meccihaldâttâs, maastoliikenneluvat@metsa.fi