Árbevirolaš plastihkas dahkkon bivddusmearkkat jávket stáhta čáziin jahkemolsašumi maŋŋá. Jahkelogiid áigge guollebivdit leat gidden bivdosiidda smávva plastihkas dahkkon mearkka čujuhit bearráigeahččái, ahte lohpi lea máksojuvvon. plastihkas dahkkon mearkkaid jávkadeapmi lea oassi Meahciráđđehusa birasmihttomearis heaitit gulul plastihka geavaheamis.

Boahttevuođas Meahciráđđehusa lobiid sáhttá dárkkistit oktavuođadieđuin, maid dálge galgá giddet bivdosiidda. Bivddusláhpuin galgá leat unnimustá guollebivdi namma ja telefonnummir. Dát guoská Meahciráđđehusa bivddusguovllu ja earáge guollečáziid, go bivdosiin galget dálá guolástanlága mielde gávdnot guollebivdi namma ja oktavuođadieđut.

Oppa čavčča áigge Meahciráđđehus lea geahččalan ođđa bearráigeahččobargoneavvu. Oktavuođadieđuid mielde bearráigeahčču sáhttá dárkkistit, leago guolástanlohpi fámus dan guovllus, gos bivddus lea.

Meahciráđđehusa bivdduslobiid sáhttá skáhppogoahtit 18. juovlamánu rájes. Lobiid sáhttá skáhppot dego ovdalge bálvalannummiris 020 69 2424. Vuosttas geardde lobiid sáhttá oastit maiddái Eräluvat-neahttagávppis, go áššehasbálvalus ii šat dárbbaš sáddet poastta bokte plastihkas dahkkon mearkkaid.

Spiehkastagat vuovdimii

Čuovvovaš Davvi-Sámi bivdduslobit vuvdojuvvojit dušše Davvi-Sámi luondduguovddážii bokte:

1272 Eanodaga sáibmačázit
1284 Garvinjávrrit
1287 Kuutusjärvi
1288 Kopsusjärvi
1289 Luirujärvi
1290 Sáibmalohpi Anárjávri
1291 Sáibmalohpi Anára oalgečázit

Čuovvovaš guovlluin vuovdin álgá easkka 7.1.2020

1290 Sáibmalohpi Anárjávri (vuvdojuvvo Avvila/Siidda bokte)
7007 Kuivasaari
7008 Haukivesi
7009 Pihlajavesi
7011 Haapaselkä-Tolvanselkä
7014 Puruvesi almmolaš čáhci
7015 Pyhäselkä almmolaš čáhci
7016 Orivesi almmolaš čáhci

Guollebivdit skáhppojit Meahciráđđehusa bivddusguovlluide jahkásaččat sulaid 4000-5000 guolástanlobi. Meahciráđđehusas leat oktiibuot 62 bivddusguovllu, main iešguhtege sisttisdoallá máŋggaid čáhceguovlluid.

Bivddusguollebivdu stáhta guovlluin oaivvilda bivddu sáimmain, guollehehkiin, seakteáŋkoriin, merddiin, liinnain, hársigiin (duhasteapmi), skohtaliin dahje dávggiin. Dát sáhttá sisttisdoallat guvllolaš ráddjehusaid.

Bivdduslobit leat bivdo- dahje fanasgotti guovdu, ja dat leat fámus kaleandarjagi- Bivdduslohpi lea oaivvilduvvon astoáiggi guollebivdui. Gávppálaš guollebivddu lobit mieđihuvvojit sierra.

Loga lasi

>> Meahciráđđehusa bivddusguovllut (Retkikartta.fi)
>> Meahciráđđehusa bivdduslohpesiiddut (Eräluvat.fi)

Lassidieđut

Alladárkkisteaddji Olli Urpanen, Meahciráđđehus (guollebivdu) olli.urpanen@metsa.fi, tel. 020 6395056
Alladárkkisteaddji Juha Ahonen, Meahciráđđehus (fuođđobearráigeahčču) juha.m.ahonen@metsa.fi, tel. 020 6397060