Eanodaga, Anára ja Ohcejoga gieldda olbmuid johkalobiid vuovdin álgá 5. Miessemánu dmu 13 rájes. Lobi sáhttá diŋgot telefovnnain Meahciráđđehusa bálvalanbáikkiin Davvi-Sámis. Báikki alde lobit eai vuvdojuvvo koronavirusa leavvanriskka dihtii.

Gieldda olbmuid johkalohpi stággobivdui guoská dárkilut meroštallojuvvon dápmoha ja luosa goargŋunguovlluid. Kárttat lohpeguovlluid čáziin leat guđege johkalobi siidduin Eräluvat.fi-neahttabálvalusas.

Lohpi vuvdojuvvo álo áigodatlohpin, mii máksá 40 euro. Vuollel 18-jahkásaččaid johkalohpi lea nuvttá, muhto datge diŋgojuvvo Meahciráđđehusas.

Maiddái nuvttá guolástanlobi sáhttá diŋgot telefovnnain Meahciráđđehusa bálvalanbáikkiin Davvi-Sámis. Gieldda olbmo nuvttá guolástanlohpi guoská dušše čáhceguovlluid, mat eai leat dápmoha ja luosa goargŋunčázit

Lohpevuovdit

Gieldda olbmo johkalobi stággobivdui sáhttá diŋgot telefovnnain 5.5. rájes čuovvovaš doaibmabáikkiin:

Duottar-Sámi luondduguovddáš, Eanodat, tel. 0206 39 7950

Avvila bálvalanbáiki, tel. 0206 39 7701

Davvi-Sámi luondduguovddáš Siida, Anár, tel. 0206 39 7740

Suoločielggi bálvalanbáiki Kiehinen, Suoločielgi, tel. 0206 39 7200 

Loga lasi lobiin:

Gieldda olbmuid johkalohpi, Ohcejohka (PDF)

Gieldda olbmuid johkalohpi, Anár (PDF)

Gieldda olbmuid johkalohpi, Eanodat (PDF)

 

Davvi-Sámi guolástanlobiid vuovdin

Meahciráđđehus álggaha Davvi-Sámi johkaguolástanlobiid vuovdima olgobáikegottálaččaide áramustá 18. miessemánus. Lohpevuovdin álggahuvvo dalle, jus leat sihkkarat das, ahte guolástanbadji sáhttá dorvvolaččat rahpat geassemánus.

Lohpevuovdin lei dárkkuhus álggahuvvot jo árabut miessemánus, muhto Meahciráđđehus čuovvu dál riikka ráđđehusa vejolaš ráddjehusaid ja ávžžuhusaid ja koronaviruspandemia leavvama. Vuovdimis dieđihuvvo Eräluvat.fi-siidduin.

Jus guolástanbaji sáhttá álggahit geassemánus, lobiid sáhttá skáhppogoahtit 18.5. dmu 9 rájes Eräluvat-bálvalannummiris 020 69 2424 ja Eräluvat-neahttagávppis. Meahciráđđehusa Davvi-Sámi doaibmabáikkiin eai vuovdde guolástanlobiid koronavirusa leavvanriskka dihtii.Lohpevuovdima álggaheapmi guoská stággobivddu Davvi-Sámi johkabáikkiin, mat leat dápmoha ja luosa goargŋunguovllut.

Loga lasi báikkiin:

Dáid Davvi-Sámi báikkiid lohpevuovdin álggahuvvo 18.5. jus guolástanbaji sáhttá rahpat geassemánus:

  • 1550 Leahttáseanu, Eanodat
  • 1554 Bálojohka-Jiehtájohka, Eanodat
  • 1556 Ovnnesjohka-Geahkkil-Bievrrašjohka, Eanodat
  • 1565 Njávdán, Anár
  • 1567 Avviljohka, Anár
  • 1568 Lohttu-Šuomâ, Soađegilli, Anár
  • 1578 Juvdu, (sisttisdoallá Fášku, Leammi ja Menešjohka), Anár
  • 1583 Gámasjohka-Giellájohka, Anár
  • 1571 Veahčajohka, Ohcejohka
  • 1572 Ohcejohka, Ohcejohka