Lappi gearretriekti lea gávnnahan odne 6.3.2019 mearrádusastis, ahte almmá Meahciráđđehusa guolástanlobi Veahčajogas vuokkain ja stákkuin bivdán njeallje sápmelačča ja Ohcejogas ráfáiduhttináigge firpmiin luosa bivdán sápmelaš eai leat áššáskuhtton lobihis bivddus, go vuođđoláhka dorvvasta eamiálbmogii rievtti bajásdoallat ja ovddidit iežas kultuvrras.

Meahciráđđehusa lohpevuovdinordnemat Davvi-Sámis leat vuođđuduvvan jagi 2016 rájes fámus lean guolástanláhkii. Aiddo riikkabeivviin gieđahallama vuolde lean guolástanlága 10. paragráfa nuppástus, mii buoridivččii sápmelaččaid ja báikkálaš guolástankultuvrra hárjehanvejolašvuođaid. Meahciráđđehus lea guottihan evttohuvvon nuppástusa ja sávvá, ahte ođđa guolástanláhka boađášii fápmui jo boahttevaš guolástanbadjái.

Meahciráđđehus oahpásmuvvá gearretrievtti mearrádussii ovttas eana- ja meahccedoalloministeriijain ja dieđiha áššis dárbbu mielde maŋŋelis.

Lassidieđut (suomagillii):
Anna-Liisa Varala, láhkaalmmái, Meahciráđđehus
anna-liisa.varala(a)metsa.fi, 0206 394 719

Uutinen suomeksi >