Jagi 2019 guolledikšunmávssut bohtet vuovdimassii ihttin skábmamánu 1. beaivve. Go máksá jahkelobi, de oažžu guolástangoartta Suomu-bláđi mielde. Guollendikšunmáksu lea bákkolaš buohkaide, geat leat 18-64-jáhkásaččat ja guolástit muđuid go oaggumiin, bilkemiin dehe seavttehis vuokkain, mas ii leat govddohat. Guolledikšunmávssuin čoggojun várit adnojuvvojit luonddu guollečáziid ja guollemáddodagaid dikšumii.

Guolledikšunmáksu lea máŋgga guolásteaddjái mávssolaččamus guolástanlohpi. Stáhta guolledikšunmáksu galgá máksojuvvot, jos lea 18-64 jagi ahkásaš ja guolásta vuokkain ja bivdosiiguin. Oaggumii, bilkemii ja sallitvuokkain bivdimii ii dárbbaš guolastánlobiid, muhto dat gullet oktasašguolástanrivttiide.

Fuolahis guolásteapmi oba jagi guolástanlobiin

Guolledikšunmávssu jahkái 2019 sáhttá máksit juo dál buriin áiggiin, vai guolástanlohpi lea fámus dakkaviđe go jahki álgá. Guolledikšunmávssu sáhttá máksit kaleandarjahkái, čieža kaleandarjándorii dehe ovtta kaleandarjándorii.

Stáhta guolledikšunmávssu sáhttá máksit Eräluvat.fi-fierbmegávppis, bálvalannummáris 020 69 2424, Meahciráđđehusa luondduguovddážiin ja R-kioskkain. Lohpi lea lágas mearriduvvon persovnnalažžan, nu ahte mávssu oktavuođas jerrojuvvojit namma, oktavuohtadieđut ja riegádanáigi. Guolledikšunmávssu haddi lea 45 euro oba jagi ovddas, 15 euro vahkus ja 6 euro beaivvis.

Guolledikšunmávssu oba jahkái 2019 máksán olbmuide sáddejuvvo giđđat Suomu-bláđđi, man mielde lea lohpehálddašeaddji guolástangoarta. Guolástangoarta lea duođuš guolledikšunmávssu máksimis, dego máksoguitenai, mii ožžojuvvo oastima olis.

Guolledikšunmáksu lea eallindehálaš gierdavaš guollemáddodagaide

Guolledikšunmáksu veahkeha bajásdoallat ja ovddidit suopmelaš guollečáziid ja guollemáddodagaid. Guollečáziid anus ja dikšumis ovddasvástidit boahtte jagi rájes guolledoalloovttadagat, mat ovttas čáziideaiggádiiguin ožžot guolledikšunmávssuin čoggon váriid gierdavaš guolásteami sihkkarastima várás. Oasiset guolledikšunváriin ožžot maid riikkaviidosaš guolástansuorggi neavvunorganisašuvnnat sihke sierra gárgehanfidnut, maiguin ovddiduvvo guolástus, guollečáziid dikšun sihke guolástusa bearráigeahčču.

>> Eräluvat.fi/kalastonhoitomaksu

Govvejeaddji: Mirja Sevón 2009