Jagi 2021 guolleváriiddikšunmáksu bođii vuovdimassii skábmamánu áigge. Dán gease guollebivdu geasuhii ođđa olbmuid mielde, ja vássán jagi guolleváriiddikšunmávssu sisaboahtu lea mannan 10 miljon euro badjel. Meahciráđđehus movttiidahttá sihkkarastit lagaš luondduáigeáji joatkašuvvama addimiin guolleváriiddikšunmávssu skeaŋkan áhčiidbeaivve dahje juovllaid, goas guollebivdoriekti bistá olles čuovvovaš kaleanddarjagi.

Guolleváriiddikšunmáksu addá vuoigatvuođa bivdit guovli ovttain vuokkain measta olles riikka čázádagain, main guollebivdu ii leat ráddjejuvvon. Máŋggat aktiivvalaš guolásteaddjit máksetge guolleváriiddikšunmávssu olles kaleanddarjahkái seammás dan boađedettiin vuovdimassii. Guolleváriiddikšunmávssus lea boahtán maiddái bivnnut, oažžus ja luonddu buresveadjima lasihan skeaŋkabuvtta eandalii maŋimuš bottu skeaŋkaoastiide. Mannan juovlamánu ealaskeamos vuovdinbeaivi lei juovlaruohta ruohtta, dalle lodnojuvvon guolleváriiddikšunmávssuin olu badjel bealli ostojuvvojedje geasanu earái go alccesis.

Spiehkastatjagi guolleváriiddikšunmávssu árvvu skeaŋkabuvttan lasiha dan riskkahisvuohta. Skeaŋkka sáhttá oastit neahttagávppis ja máksinduođaštusa sáhttá doaimmahit lobi ožžon olbmo šleađgapoasttain dallege, go deaivan ii lihkostuva. Guollebivdiprofiillaid máŋggabealagiin šaddan lea váldon vuhtii nu, ahte Eräluvat.fi-siidduide leat biddjon sierralágan guolásteaddjiide heivvolaš áhčiidbeaive- ja juovlakoarttat, maid sáhttá laktit máksinduođaštusa fárrui.

− Mávssuin bajásdoallat guolástanvejolašvuođaid, ja vásttolaš guolásteaddjit háliidit bealisteaset dorvvastit guollečáziid dikšuma. Skeaŋkavejolašvuohtan guolleváriiddikšunmáksu lea maiddái 65 jagi deavdán olbmuide buorre vuohki sihkkarastit guollebivddu ja nuorat buolvva luonddugaskavuođa joatkašuvvama, dadjá Meahciráđđehus fuođđodoallohoavda Jukka Bisi.

Guolleváriiddikšunmávssu galget buohkat máksit guolástanlága mielde, jus lea 18-64-jahkásaš ja bivdá guoli muđuid go rudneoaggumiin, oaggumiin dahje sallitvuokkain. Mávssu sáhttá lotnut olles kaleanddarjahkái, vahkkui dahje jándorii.

Jagi 2021 guolleváriiddikšunmávssu sáhttá oastit Meahciráđđehusa neahttagávppis čujuhusas www.eraluvat.fi, bálvalannummiris 020 69 2424, R-kioskkain ja Meahciráđđehusa luondduguovddážiin.

Eräluvat-applikašuvdnii kaleanddarjagi 2021 guolleváriiddikšunmáksu boahtá vuovdimassii maŋŋelis Eräluvat.fi-siidduin almmuhuvvon áigemuttus. Jándor- ja vahkkolobiid applikašuvnnain sáhttá skáhppot jo dál boahtte jagi várás. Applikašuvnnain guolleváriiddikšunmávssu sáhttá oastit dušše alccesis.

Kaleanddarjagi 2020 guolástanvuoigatvuođa gokčan guolleváriiddikšunmáksu lea vuovdimassii buot vuovdinkanálain 10.12. rádjai, man maŋŋá loahppajagi áigge sáhttá lotnut jándor- ja vahkkomávssuid.

Guolleváriiddikšunmávssuid čoaggá Meahciráđđehus, mii máksá ruđaid eana- ja meahccedoalloministeriijai. Eana- ja meahccedoalloministeriija ja EBI-guovddážat mieđihit ruđaid guollečáziid suvdilis ávkkástallama ja dikšuma plánemii ja ollašuhttimii, guolástanbearráigehččui, guollebivdoáigeáji ovddideapmái, guolledoallosuorggi rávvenbálvalusaide, guolledoalloguovlluid doibmii ja oamasteaddjibuhtadusaide.

loga lasi eraluvat.fi/kalastonhoitomaksu

Lassedieđut:
Kirsi Suojoki, spesiálaplánejeaddji, Meahciráđđehus, kirsi.suojoki@metsa.fi, 040 186 5875
Olli Urpanen, spesiálaplánejeaddji, Meahciráđđehus, olli.urpanen@metsa.fi, 020 639 5056
 

Eana- ja meahccedoalloministeriija

Meahciráđđehus, Fuođđobálvalusat
Ealáhus-, johtalus- ja birasguovddážat
Luondduriggodatguovddáš
Suoma Lustaáigge guollebivdiid Guovddášorganisašuvdna (Suomen Vapaa-ajankalastajien Keskusjärjestö ry)
Guolledoalu Guovddášlihttu (Kalatalouden Keskusliitto)
Suoma sisčáhceámmátguolásteaddjiid lihttu (Suomen sisävesiammattikalastajien liitto ry)
Suoma Ámmátguolásteaddjit (Suomen Ammattikalastajaliitto ry)