Kaleandarjagi 2022 guolleváriiddikšunmáksu boahtá vuovdimassii 2.11.2021. Buohkaide geat ostet olles jagi guolleváriiddikšunmávssu vuosttamuš vuovdinbeaivve, sáddejuvvo poastta bokte laminerejuvvon guolástankoarta ovdal juovllaid. Árbevirolaš guollekoartta ustibiid gánneha merket beaivvi juo kaleandarii, ja muitit ávvudanbaji lahkosis maiddái bivdoskihpáriid. Logathan vuos dán reivve fuolalaččat.
Kampánjaáigi ja koartta haddi
Kampánja lea fámus dušše beare maŋŋebárgga 2.11.2021. Jos háliidat laminerejuvvon koartta poastta bokte, olles 2022 guolleváriiddikšunmávssu galgá oastit gažaldatvuloš jándora áigge Eräluvat-neahttagávppis, Eräluvat-heivehusain, Meahciráđđehusa luondduguovddážis dahje man nu eará soahpamušvuovdinčuoggás, bálvalannummiris 020 69 2424 (dmu 9–16) dahje R-kioskkas.
Guolleváriiddikšunmávssu haddi lea 45 €. Koartta dahje poastta bokte sáddemis eai boađe lassegolut.
Leathan oasttedettiin guolleváriiddikšunmávssu dárkil jahkeloguin, dasgo maiddái vássán jagi (2021) guolleváriiddikšunmáksu lea vuovdimis 10.12. rádjái.
Koartta materiála
Kampánjjas poastta bokte boahtán guolástankoarta lea báŋkokoartta sturrosaš. Materiálan lea geavahuvvon PEFC-sertifiserejuvvon bábir, mii lea gieđahallojuvvon lamineremiin nannosabbon ja dakkárin ahte dat gierdá čázi. Mielde boahtán reivebáhpára ja -konfaluhta sáhttá bidjat báberčoaggimii, muhto koartta galgá geavahusas váldima maŋŋá bidjat seahkalašbázahussii. Olles buvtta lea čitnaneutrála.
Koartta doaimmahanáigi
Guolástankoarta doaimmahuvvo poastta bokte vahkus 47 dahje 26.11.2021 rádjái. Min rehketčállináššehasaide Dahje telefonbálvalusas guolleváriiddikšunmávssu oastán olbmuide koarta doaimmahuvvo easkka vahkus 50, jus ii rehket leat máksojuvvon dalánaga oastinbeaivve 2.11.
Koarta doaimmahuvvo dušše beare Suomas lean čujuhusaide.
Válddathan johtilit doaimmahanáiggi maŋŋá oktavuođa, jos it leat ožžon du koartta: eraluvat@metsa.fi.
Guolástankoarta skeaŋkan lagaš olbmui
Jos oasttát guolleváriiddikšunmávssu 2.11. nuppi olbmui, ovdamearkka dihtii juovla- dahje áhčiidbeaivveskeaŋkan, skeaŋkka ožžon olbmui doaimmahuvvo poastta bokte laminerejuvvon guolástankoarta.
Guolástankoarta ii geargga doaimmahuvvot áibbas áhčiidbeaivái, muhto ovdal juovllaid gal. Sáhtát válljet min neahttasiidduin heivvolaš koartadearvvahusa ja sáddet dan ožžon olbmui ovttas máksinguittiin dalánaga oastima maŋŋá. Jos háliidat, muital ahte son oažžu laminerejuvvon guolástankoartta poastta bokte maŋálgihtii.
Jos skeaŋkka ožžon olmmoš lea áŋgiris guolásteaddji, sihkkaraste ovdal oastima, ahte son ii leat ieš áigumin máksit guolleváriiddikšunmávssu dalánaga go dat boahtá vuovdimassii.
Oasttedettiin dárbbašat juohkehaš lobi hálddašeaddji namma- ja čujuhusdieđuid ja riegádanáiggi. Čielggat dieđuid ovddalgihtii ja čále daid fuolalaččat diŋgojupmái, vai guolástankoarttat gávdnet rivttes čujuhussii. Fuomáš, ahte Eräluvat-heivehusain sáhtát oastit guolleváriiddikšunmávssu dušše beare alccesat. Skeaŋkka oasttedettiin gánneha geavahit neahttagávppi. Neahttagávppis dahkkojuvvon oastimat oidnojit du iežas Eräluvat-heivehusas, muhto eai su heivehusas gii oažžu guolástankoartta skeaŋkan.
Máŋga vuogi duođaštit guolleváriiddikšunmávssu
Kampánja lea árbevirolaš guollekoarttaid ustibiidda, man mii háliidit fállat geahččaleami dihtii min áššehasaide.
Visot kaleandarjagi 2022 guolleváriiddikšunmávssu oastit ožžot ain Suomu-bláđi maŋŋebearpmas báberguollekoartta álo máksimis čuovvovaš mánotbaji beallemuttus. Dat geat ostet skábmamánus njukčamánnui Suomu sáddejuvvo goittotge easkka cuoŋománus, nuba go oasttát kampánjabeaivve de koarta geargá fárrui jo dálvvi guolletuvrraide.
Lohpeduođaštussan sáhttá geavahit guolletuvrrain ain maiddái guolleváriiddikšunmávssu bábermáksinguitte dahje elektronihkalaš gova, dahje Eräluvat-heivehusas čájehuvvon lobi. – Nuba ále fuola, jus kampánjabeaivi vajálduvvá!