Meahciráđđehus lea Meahciráđđehusas addojuvvon lága (234/2016) 18 §:a vuođul 12.4.2022 addin mearrádusain MH 1404/2022 ja MH 1405/2022 nannen iešguđege guovllu lohpeeriid, mat gusket Meahciráđđehusa hálddus lean stáhta eana- ja čáhceguovlluid ávkkástallama meahcásteapmái. Mearrádus MH 1404/2022 guoská eatnandieđalaččat sámiid ruovttuguovllu ja mearrádus MH 1405/2022 eará Suoma stáhta eana- ja čáhceguovlluid, mat leat Meahciráđđehusa hálddašeamis.

Mearrádusat dollojit oaidninláhkái 1.6.2022 rádjai Meahciráđđehusa ovttadagas (veteraanikatu  5, 90101 OULU) ja dan lassin Meahciráđđehusa internetsiidduin čujuhusas www.metsa.fi ja www.eraluvat.fi.

Áššebáhpára oaidninláhkái ásaheamis almmuhuvvo Meahciráđđehusa neahttasiidduin ja dan lassin čuovvovaš aviissain Helsingin Sanomat, Lapin Kansa, Kaleva, Kainuun Sanomat, Maaseudun Tulevaisuus ja Hufvudstadsbladet.

Mearrádusaide sáhttá ohcat nuppástusa váidalemiin Davvi-Suoma hálddahusriektái 30 beaivve siste mearrádusaid diehtunoažžumis. Dárkilut rávvagat nuppástusohcamis leat váidalanrávvagiin, mat leat mearrádusaid mielddusin.

Diehtunoažžun gehččojuvvo leat dáhpáhuvvan čihččet beaivve almmuhusa olggosaddimis 13.4.2022 Meahciráđđehusa neahttasiidduin dahjege 20.4.2022. Váidalanáigi nohká 20.5.2022.

Oulus 13. beaivve cuoŋománus 2022

MEAHCIRÁĐĐEHUS

Dihtomearremearrádusat